കെ ആര്‍ അനൂപ്|
Last Modified ബുധന്‍, 17 മെയ് 2023 (15:30 IST)
അബ്രാം ഖുറേഷിയുടെ രണ്ടാം ആയി കാത്തിരിക്കുന്ന ആരാധകര്‍ക്ക് ഒരു സന്തോഷ വാര്‍ത്തയാണ് പുറത്തുവരുന്നത്.എമ്പുരാന്‍ നിര്‍മ്മാണത്തില്‍ പങ്കാളികളാകാന്‍ ആശിര്‍വാദ് സിനിമാസിനൊപ്പം ഹോംബാലെ ഫിലിംസ് കൂടിയെത്തുകയാണ്.
ചിത്രീകരണത്തിന് ആയുള്ള സെറ്റ് നിര്‍മ്മാണ ജോലികള്‍ അടുത്താഴ്ചയോടെ ആരംഭിക്കും. ഷൂട്ടിംഗ് വൈകാതെ തന്നെ ആരംഭിക്കും എന്നും കേള്‍ക്കുന്നു.പാന്‍-ഇന്ത്യന്‍ അല്ല അതിനുമപ്പുറം പാന്‍-വേള്‍ഡ് ആയി ബിഗ് ബജറ്റില്‍ സിനിമ നിര്‍മ്മിക്കാനാണ് പദ്ധതിയിടുന്നത്.
400 കോടി രൂപയോളം നിര്‍മ്മാണ ചിലവ് പ്രതീക്ഷിക്കുന്നു.എമ്പുരാന്‍ ലൂസിഫറിന്റെ രണ്ടാം ഭാഗമല്ലെന്നും മൂന്ന് ഭാഗങ്ങള്‍ ഉള്ള സീരീസുകളിലെ രണ്ടാം ചിത്രമാണെന്ന് തിരക്കഥാകൃത്ത് മുരളി ഗോപി നേരത്തെ പറഞ്ഞിരുന്നു. ഇന്ത്യയ്ക്ക് പുറത്തും ചിത്രീകരണം ഉണ്ട്.പൂര്‍ണ്ണമായും കൊമേഴ്സ്യല്‍ എന്റര്‍ടെയ്‌നറായി ഒരുങ്ങുന്ന സിനിമയുടെ ലൊക്കേഷന്‍ ഹണ്ട് പൃഥ്വിരാജ് നേരത്തെ പൂര്‍ത്തിയാക്കി.
