കെ ആര്‍ അനൂപ്|
Last Updated:
ശനി, 11 ജൂണ്‍ 2022 (10:12 IST)
എമ്പുരാന്റെ ചിത്രീകരണം എപ്പോള്‍ തുടങ്ങുമെന്ന് അറിയുവാനായി ആരാധകര്‍ കാത്തിരിക്കുന്നു. ഒരുക്കങ്ങള്‍ അണിയറയില്‍ നടക്കുന്നുണ്ടെന്നാണ് വിവരം. ബ്ലെസി സംവിധാനം ചെയ്യുന്ന ആടുജീവിതം എന്ന ചിത്രത്തിന്റെ ഷൂട്ട് കഴിഞ്ഞ് പൃഥ്വിരാജ് എത്തിയാല്‍ മതി.
ചിത്രീകരണം പൂര്‍ത്തിയായലുടന്‍ എമ്പുരാന്റെ ജോലികളിലേക്ക് പൃഥ്വിരാജ് കടക്കുമെന്നാണ് പുതിയ റിപ്പോര്‍ട്ടുകള്‍.എമ്പുരാന് - എല്‍ 2 ന് ശേഷം തന്റെ നാലാമത്തെ സംവിധാനം സംരഭം കഴിഞ്ഞ ദിവസമാണ് പൃഥ്വിരാജ് പ്രഖ്യാപിച്ചത്. കെജിഎഫ് സിരീസിന്റെ നിര്‍മ്മാതാക്കളായ ഹോംബാലെ ഫിലിംസ് നിര്‍മ്മിക്കുന്ന സിനിമയ്ക്ക് 'ടൈസണ്‍' എമ്പുരാന് ശേഷമാകും തുടങ്ങുക. അതിനാല്‍ തന്നെ മോഹന്‍ലാലിനൊപ്പമുളള പൃഥ്വിരാജിന്റെ മൂന്നാമത്തെ സംവിധാന ചിത്രം വൈകാതെ തന്നെ തുടങ്ങാനാണ് സാധ്യത.
