രേണുക വേണു|
Last Modified ശനി, 18 ഡിസം‌ബര്‍ 2021 (08:42 IST)
മലയാള സിനിമാലോകം കാത്തിരിക്കുന്ന വമ്പന്‍ പ്രഖ്യാപനം ഉടന്‍ ഉണ്ടാകുമെന്ന് സൂചന. മെഗാസ്റ്റാര്‍ മമ്മൂട്ടിയും മകന്‍ ദുല്‍ഖര്‍ സല്‍മാനും ഒന്നിക്കുന്നതായാണ് വാര്‍ത്തകള്‍. സിനിമയുടെ പ്രഖ്യാപനം ഉടന്‍ നടക്കുമെന്നും 2022 റിലീസായിരിക്കും ഈ ചിത്രമെന്നും മോളിവുഡുമായി ഏറ്റവും അടുത്ത വൃത്തങ്ങളാണ് റിപ്പോര്‍ട്ട് ചെയ്യുന്നത്. ഈ ചിത്രത്തില്‍ ശോഭന, സുഹാസിനി, സുമലത തുടങ്ങി തൊണ്ണൂറുകളില്‍ മമ്മൂട്ടിയുടെ നായികമാരായി അഭിനയിച്ച താരങ്ങളും ഉണ്ടാകുമെന്ന് സൂചനയുണ്ട്. മാസ് സിനിമകളുടെ സംവിധായകന്‍ വൈശാഖ് ആണ് മമ്മൂട്ടി-ദുല്‍ഖര്‍ കോംബോ യാഥാര്‍ഥ്യമാക്കാന്‍ പരിശ്രമിക്കുന്നതെന്നാണ് വിവരം. ബിഗ് ബി, ചാര്‍ലി തുടങ്ങിയ സിനിമകള്‍ക്ക് തൂലിക ചലിപ്പിച്ച ഉണ്ണി ആര്‍. ആണ് തിരക്കഥയൊരുക്കുന്നതെന്നും വാര്‍ത്തകളുണ്ട്.
