കെ ആര്‍ അനൂപ്|
Last Modified വ്യാഴം, 28 ഒക്‌ടോബര്‍ 2021 (09:02 IST)
ദിലീപ് ചിത്രമായ ചാന്തുപൊട്ടില്‍ ഇന്ദ്രജിത്തിന്റെ കുട്ടിക്കാലം അഭിനയിച്ചുകൊണ്ടാണ് സിനിമാലോകത്ത് താരം എത്തിയത്. അതിനുശേഷം അറബിക്കഥയില്‍ ശ്രീനിവാസന്‍ അവതരിപ്പിച്ച ക്യൂബ മുകുന്ദന്റെ ബാല്യകാലവും നടന്‍ അവതരിപ്പിച്ചു. പിന്നീട് മാണിക്യക്കല്ലിലും അര്‍ജ്ജുനന്‍ സാക്ഷിയിലും അഭിനയിച്ചു. ഈ നടന്‍ മറ്റാരുമല്ല ബാലു വര്‍ഗീസ് ആണ്.
ജീന്‍ പോല്‍ ലാലിന്റെ ഹണീബീയിലെ വേഷം ബാലുവിന്റെ കരിയറില്‍ വഴിത്തിരിവായി. പിന്നീട് സിനിമകളുടെ കാലമായിരുന്നു. ഇതിഹാസ, ബൈസിക്കിള്‍ തീവ്സ്, ഹായ് അയാം ടോണി, ഒന്നാം ലോക മഹായുദ്ധം അങ്ങനെ നീളുന്നു ആ ലിസ്റ്റ്. ഓപ്പറേഷന്‍ ജാവയ്ക്ക് ശേഷം ബാലു വര്‍ഗീസും ലുക്ക്മാന്‍ അവറാനും ഒന്നിക്കുന്ന ആളങ്കം ഇക്കഴിഞ്ഞ ദിവസമാണ് പ്രഖ്യാപിച്ചത്.
