സുരാജ് വെഞ്ഞാറമ്മൂടും ആസിഫ് അലിയും ഒന്നിക്കുന്നു. നഹാസ് നാസറിന്റെ സംവിധാനത്തില്‍ ഒരുങ്ങുന്ന സിനിമയെ കുറിച്ചുള്ള പുതിയ വിവരങ്ങളാണ് പുറത്തുവന്നിരിക്കുന്നത്.

ഇതുവരെ പേരിട്ടിട്ടില്ലാത്ത സിനിമയുടെ ചിത്രീകരണം ഫെബ്രുവരി 12 മുതല്‍ ആരംഭിക്കും.ജിംഷി ഖാലിദ് ഛായാഗ്രഹണം നിര്‍വഹിക്കുന്നു.നിഷാദ് യൂസഫ് എഡിറ്റിംഗും ഗോപി സുന്ദര്‍ സംഗീതവും ഒരുക്കുന്നു.വിനായക് ശശികുമാറാണ് ചിത്രത്തിലെ ഗാനങ്ങള്‍ക്ക് വരികള്‍ ഒരുക്കിയിരിക്കുന്നത്.

കെട്ട്യോളാണെന്റെ മാലാഖ , ഉണ്ട തുടങ്ങിയ സൂപ്പര്‍ ഹിറ്റ് ചിത്രങ്ങളിലെ സഹ സംവിധായകനായിരുന്നു നഹാസ് നാസര്‍.

അതേസമയം, ആസിഫ് അലിയുടെ സമീപകാല ചിത്രങ്ങളില്‍ ഭൂരിഭാഗവും പരാജയമായിരുന്നതിനാല്‍ അദ്ദേഹത്തിന്റെ ഗംഭീര തിരിച്ചുവരവ് ആരാധകര്‍ പ്രതീക്ഷിക്കുന്നു. 'ഒരു രഞ്ജിത്ത് സിനിമ', ഒറ്റ തുടങ്ങിയ ആസിഫ് അലി ചിത്രങ്ങള്‍ നിരാശാജനകമായിരുന്നു.