1995ൽ പുറത്തിറങ്ങിയ ബോംബെ എന്ന മണിരത്നം ചിത്രത്തിലെ 'ഹമ്മ...ഹമ്മ' എന്ന ഗാനം ഒരിക്കൽ ഇന്ത്യ ഏറ്റുപാടി നടന്നിരുന്ന പാട്ടായിരുന്നു. എ ആർ റഹ്മാന്റെ സംഗീതത്തിൽ പിറന്ന ആ ഗാനമായിരുന്നു യുവാക്കൾ ഒരിക്കൽ ഏറ്റുചൊല്ലിയിരുന്നത്. 21 വർഷങ്ങൾക്ക് ശേഷം ആ ഗാനത്തിന് റീമിക്സ് ഒരുക്കിയിരിക്കുകയാണ് എ ആർ റഹ്മാൻ.

ഷാഹിദ് അലി സംവിധാനം ചെയ്ത ഒകെ ജാനു എന്ന ബോളിവുഡ് ചിത്രത്തിനു വേണ്ടിയാണ് ഈ സൂപ്പര്‍ ഹിറ്റ് ഗാനം വീണ്ടും വെള്ളിത്തിരയിലേക്ക് എത്തിക്കുന്നത്. എ ആർ റഹ്മാന്റെ ഗാനം ഇഷ്ടപ്പെടുന്നവർ ഇന്നും നെഞ്ചോട് ചേർത്തുവെച്ചിരിക്കുന്ന പാട്ടുകളിൽ ഒന്നാണ് 'ഹമ്മ'. ഒകെ ജാനു എന്ന മണിരത്നം ചിത്രത്തിന് വേണ്ടിയാണ് ഹമ്മ, ഹമ്മ ഗാനം റഹ്മാൻ പുനർനിർമിച്ചിരിക്കുന്നത്.

ബോളിവുഡിലെ ഹിറ്റ് മേക്കര്‍ കരണ്‍ ജോഹറുമായി ചേര്‍ന്നാണ് മണിരത്നം ഹിന്ദിയില്‍ ചിത്രം നിര്‍മ്മിക്കുന്നത്. ഓകെ കണ്‍മണിയില്‍ ദുല്‍ഖര്‍ സല്‍മാനും നിത്യ മേനോനും കേന്ദ്രകഥാപാത്രത്തില്‍ എത്തിയപ്പോള്‍, ഓകെ ജാനുവില്‍ ആഷിക്കി ജോഡികളായ ആദിത്യ റോയ് കപൂറും ശ്രദ്ധ കപൂറുമാണ് എത്തുന്നത്.