കെ ആര്‍ അനൂപ്|
Last Modified ശനി, 16 ഡിസം‌ബര്‍ 2023 (11:16 IST)
മലയാളം വെബ് സീരിസില്‍ അഭിനയിക്കാന്‍ നടി സണ്ണി ലിയോണ്‍. ഹൈ റിച്ച് ഗ്രൂപ്പിന്റെ എച്ച് ആര്‍ ഒടിടിയിലൂടെ വരാനിരിക്കുന്ന 'പാന്‍ ഇന്ത്യന്‍ സുന്ദരി' വെബ് സീരിസില്‍ സണ്ണിയും ഉണ്ടാകും.
സതീഷ് ആണ് കഥയും സംവിധാനവും നിര്‍വഹിച്ചിരിക്കുന്നത്.പ്രിന്‍സി ഡെന്നിയും ലെനിന്‍ ജോണിയും ചേര്‍ന്നാണ് തിരക്കഥ ഒരുക്കിയിരിക്കുന്നത്. മലയാളത്തിലെ ആദ്യ ബിഗ് ബജറ്റ് കോമഡി ആക്ഷന്‍ ത്രില്ലര്‍ സീരിയസ് ആണിത്. അപ്പാനി ശരത്തും മാളവികയും നായികാ നായകന്മാരാകുന്നത്.മണിക്കുട്ടന്‍, ജോണി ആന്റണി, ജോണ്‍ വിജയ്, ഭീമന്‍ രഘു, സജിത മഠത്തില്‍, കോട്ടയം രമേശ് ,അസീസ് നെടുമങ്ങാട്, ഹരീഷ് കണാരന്‍, നോബി മര്‍ക്കോസ് തുടങ്ങിയ താരങ്ങളും പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
മലയാളം തമിഴ് കന്നഡ തെലുങ്ക് ഹിന്ദി ഭാഷകളിലായി HR OTTയിലൂടെയാണ് റിലീസ്.രവിചന്ദ്രന്‍ ഛായാഗ്രഹണവും അഭിലാഷ് ബാലചന്ദ്രന്‍ എഡിറ്റിങ്ങും നിര്‍വഹിക്കുന്നു.ശ്യാം പ്രസാദാണ് സംഗീതം ഒരുക്കിയിരിക്കുന്നത്.ബാക്ക്ഗ്രൗണ്ട് മ്യുസിക് ഗോപി സുന്ദര്‍.
