കെ ആര്‍ അനൂപ്|
Last Modified ചൊവ്വ, 12 ഡിസം‌ബര്‍ 2023 (09:17 IST)
വിദ്യുത് ജംവാല്‍ ബോളിവുഡിലും തെന്നിന്ത്യയിലും ശ്രദ്ധേയനായ നടനാണ്. താരത്തിന്റെ ഹിമാലയത്തില്‍ നിന്നുള്ള ചിത്രങ്ങളാണ് സാമൂഹ്യ മാധ്യമങ്ങളില്‍ വൈറലായി മാറിയിരിക്കുന്നത്.പൂര്‍ണ നഗ്‌നനായി ഹിമാലയത്തില്‍ കഴിയുന്ന നടനെയാണ് ചിത്രങ്ങളില്‍ കാണുന്നത്.
വെള്ളത്തില്‍ പൂര്‍ണ നഗ്‌നനായി സൂര്യനമസ്‌കാരം ചെയ്യുന്ന വിദ്യുത് അവിടെയിരുന്ന് ഭക്ഷണം പാചകം ചെയ്യുന്നത് കാണാം. 14 വര്‍ഷങ്ങള്‍ക്ക് മുമ്പാണ് താനിത് ആരംഭിച്ചത് എന്നും നടന്‍ പറയുന്നുണ്ട്. വര്‍ഷംതോറും 7 മുതല്‍ 10 ദിവസത്തോളം താന്‍ ഒറ്റയ്ക്ക് ചെലവഴിക്കാറുണ്ടെന്നും വിദ്യുത് പറഞ്ഞു.
ആഡംബര ജീവിതം വിട്ട് വന്യതയിലേക്ക് ഇറങ്ങുമ്പോള്‍ തനിക്ക് താന്‍ ആരല്ല എന്ന മനസിലാകാറുണ്ടെന്നും ഹിമാലയത്തില്‍ നിന്ന് തിരിച്ചെത്തുമ്പോള്‍ പുതിയ ഘട്ടത്തിലേക്ക് കടന്നതുപോലെയാണ് അനുഭവപ്പെടാറുള്ളതെന്നും വിദ്യുത് പറയുന്നു.
