മുത്തച്ഛനായ സന്തോഷത്തില്‍ നടന്‍ സിദ്ദിഖ്. സിദ്ദിഖിന്റെ മകനും നടനുമായ ഷാഹിന്‍ സിദ്ദിഖിനും മരുമകള്‍ ഡോക്ടര്‍ അമൃതാദാസിനും പെണ്‍കുട്ടി പിറന്നിരിക്കുകയാണ്. അമൃത തന്നെയാണ് ഇക്കാര്യം തന്റെ ഇന്‍സ്റ്റഗ്രാം പേജിലൂടെ അറിയിച്ചത്. ജൂലൈ 10നാണ് ഇരുവര്‍ക്കും കുഞ്ഞു പിറന്നത്. എങ്കിലും ഇപ്പോഴാണ് ആരാധകരുമായി ഈ സന്തോഷം പങ്കുവെച്ചത്.

കഴിഞ്ഞമാസമാണ് സിദ്ദിഖിന്റെ മൂത്തമകന്‍ സാപ്പി അന്തരിച്ചത്. മരണത്തിന്റെ വിഷമത്തിലായിരുന്നു സിദ്ദിഖും കുടുംബവും. 2022 മാര്‍ച്ചിലായിരുന്നു ഷാഹിനും അമൃതയും വിവാഹംകഴിച്ചത്. രണ്ടു കുഞ്ഞിക്കാലുകള്‍ കൊണ്ട് ഞങ്ങളുടെ കുടുംബം കൂടുതല്‍ വളര്‍ന്നതായി അമൃത ഇന്‍സ്റ്റാഗ്രാമില്‍ പങ്കുവെച്ച കുറിപ്പില്‍ പറയുന്നു.