സമൂഹമാധ്യമങ്ങളിൽ പലപ്പോഴും സൈബർ ആക്രമണങ്ങൾക്കും അധിക്ഷേപങ്ങൾക്കും ഇരയാകാറുള്ള വ്യക്തിയാണ് ഗായികയും ഗോപി സുന്ദറിന്റെ ഭാര്യയുമായ അഭയ ഹിരൺമയി. ഇപ്പോഴിതാ തനിക്കെതിരെ നടക്കുന്ന സൈബർ അക്രമണങ്ങ‌ൾക്ക് മറുപടി നൽകിയിരിക്കുകയാണ് അഭയ. തന്റെ പുതിയ മെയ്‌ക്കോവർ പങ്കുവെച്ചുകൊണ്ടാണ് താരത്തിന്റെ കുറിപ്പ്.

തന്റെ സ്വകാര്യ ജീവിതത്തെ വിമർശിച്ചും കുടുംബത്തിലുള്ളവരെ അവഹേളിച്ചും കമന്റുകളിടുന്ന 'കുലസ്ത്രീകൾക്കും' 'കുല പുരുഷന്മാർക്കും സമർപ്പിച്ചുകൊണ്ടാണ് താരത്തിന്റെ ഇൻസ്റ്റഗ്രാം പോസ്റ്റ്.

അഭയ ഹിരൺമയിയുടെ വാക്കുകൾ ഇങ്ങനെ

എന്റേ ഒരു പോസ്റ്റ് പോലും വിട്ടുകളയാതെ ഉത്തരവാദിത്തത്തോടെ എന്റെ ജീവിതം അവരുടെ കുടുംബ പ്രശ്നമായി കണ്ടു എന്നൈ ചീത്ത വിളിക്കുകയും,bodyshame ചെയ്യുകയും മരിച്ചു പോയ എന്റെ തന്തപ്പടിയെ വരെ തിരികെ കൊണ്ട് വന്നു നന്നാക്കാൻ ശ്രമിക്കുകയുക ചെയ്ത അ സുമനസുകൾ ആയ കുലസ്ത്രീ /കുലപുരുഷുസ്‌ ,കൂടാതെ fake പ്രൊഫൈൽ ഉണ്ടാക്കി വീരത്വം കാണിക്കുന്ന വീരയോദ്ധാക്കൾക്കുമായി എന്റെ വെട്ടിക്കളഞ്ഞ മുടി അഥവാ (......)സമർപ്പിക്കുന്നു !

ഞാൻ ഇതോടെ നന്നായി എന്നും,നാളെ മുതൽ നിങ്ങൾ പറയുന്നതു കേട്ട് അനുസരിചു ജീവിച്ചുകൊള്ളാം എന്നും ഇതിനാൽ ഇവിടെ സാക്ഷ്യപെടുത്തുന്നു

ഏന്നു നിങ്ങടെ സ്വന്തം

കുടുംബംകലക്കി