മലയാളികളുടെ പ്രിയനായിക വാണി വിശ്വനാഥ് രാഷ്ട്രീയത്തിലേക്കിറങ്ങുന്നതായി റിപ്പോര്‍ട്ടുകള്‍. കേരള രാഷ്ട്രീയത്തിലേക്കല്ല മറിച്ച് തെലുങ്ക് രാഷ്ട്രീയത്തിലേക്കാണ് വാണി വിശ്വനാഥ് ഇറങ്ങുന്നത്. ഒരു പ്രമുഖ തെലുങ്ക് ഓണ്‍ലൈന്‍ മാധ്യമമാണ് ഇക്കാര്യം റിപോര്‍ട്ട് ചെയ്തിരിക്കുന്നത്.

മലയാളത്തിനു പുറമേ തെലുങ്ക്, തമിഴ്, കന്നട ചിത്രങ്ങളിലും താരം അഭിനയിച്ചിട്ടുണ്ട്. തെലുങ്കിലെ പ്രിയ നായിക കൂടിയാണ് വാണി വിശ്വനാഥ്. വിവാഹത്തോടെയാണ് താരം അഭിനയത്തില്‍ നിന്നും വിടപറഞ്ഞത്. പിന്നീട് തിരിച്ചെത്തിയെങ്കിലും അത്ര സജീവമായില്ല. ഇതിനിടയിലാണ് താരം രാഷ്ട്രീയത്തിലേക്കിറങ്ങുന്നതായി റിപോര്‍ട്ടുകള്‍ വരുന്നത്. എന്നാല്‍, ഇതുവരെ വാണി ഇക്കാര്യം സ്ഥിരീകരിച്ചിട്ടില്ല.

തെലുഗു ദേശം പാര്‍ട്ടിക്കായാണ് വാണി വിശ്വനാഥ് മത്സരിക്കുന്നതെന്നാണ് സൂചനകള്‍. മുന്‍ നടിയും വൈ എസ് ആര്‍ കോണ്‍ഗ്രസ് എം എല്‍ എയുമായ രോജയ്ക്കെതിരെയാകും വാണി മത്സരിക്കുകയെന്നാണ് റിപ്പോര്‍ട്ടുകള്‍.