Widgets Magazine
Widgets Magazine

മമ്മൂട്ടിച്ചിത്രം ‘എഡ്ഡി’; കുട്ടികള്‍ മാറിനിന്നോളൂ, പ്രൊഫസര്‍ വരുന്നുണ്ട്!

ബുധന്‍, 3 മെയ് 2017 (14:37 IST)

Widgets Magazine
Mammootty, Eddy, Udaykrishna, Ajay Vasudev, Santhosh Pandit, മമ്മൂട്ടി, എഡ്ഡി, ഉദയ്കൃഷ്ണ, എഡ്വേര്‍ഡ് ലിവിംഗ്സ്റ്റണ്‍, അജയ് വാസുദേവ്, സന്തോഷ് പണ്ഡിറ്റ്

സ്ക്രീനില്‍ വില്ലത്തരം കാട്ടാനിറങ്ങിയാല്‍ മമ്മൂട്ടിയെ കഴിഞ്ഞേ അത്തരം കഥാപാത്രങ്ങള്‍ക്ക് വേറെയാരുമുള്ളൂ. ഈ വര്‍ഷം അത്തരമൊരു പ്രകടനത്തിന് മലയാളികള്‍ സാക്‍ഷ്യം വഹിക്കും. അതൊരു ഒന്നൊന്നര വരവാണ്!
 
ഉദയ്കൃഷ്ണയുടെ തിരക്കഥയില്‍ അജയ് വാസുദേവ് സംവിധാനം ചെയ്യുന്ന ചിത്രത്തേക്കുറിച്ചാണ് പറഞ്ഞുവരുന്നത്. ചിത്രത്തിന് ‘എഡ്ഡി’ എന്ന് പേരിട്ടതായി റിപ്പോര്‍ട്ടുണ്ട്. മമ്മൂട്ടി അവതരിപ്പിക്കുന്ന കഥാപാത്രത്തിന് പേര് എഡ്വേര്‍ഡ് ലിവിംഗ്സ്റ്റണ്‍. ഇംഗ്ലീഷ് പ്രൊഫസറാണ്. ഒരു പരുക്കന്‍ കഥാപാത്രം. തല്ലിനുതല്ല്, ചോരയ്ക്ക് ചോര എന്ന മട്ടിലൊരു കഥാപാത്രം. ആരുടെയും വില്ലത്തരം എഡ്വേര്‍ഡിന്‍റെയടുത്ത് ചെലവാകില്ല!
 
ട്രാവന്‍‌കൂര്‍ മഹാരാജാസ് കോളജിലെ വില്ലന്‍‌മാരായ കുട്ടികളെ മര്യാദ പഠിപ്പിക്കാന്‍ എത്തുന്ന ഇംഗ്ലീഷ് പ്രൊഫസറാണ് എഡ്വേര്‍ഡ് ലിവിംഗ്സ്റ്റണ്‍. ചട്ടമ്പിയായ ഒരു കോളജ് പ്രൊഫസറാണ് ഇയാള്‍. സ്ഥിരം അടിപിടിയും പൊലീസ് സ്റ്റേഷനും ഗാംഗ് വാറുമൊക്കെയായി നടക്കുന്ന കുട്ടികള്‍ പഠിക്കുന്ന ഒരു കോളജില്‍ അവരെ മെരുക്കാനായാണ് അയാള്‍ നിയോഗിക്കപ്പെടുന്നത്. അയാള്‍ ആ കോളജിലെ പൂര്‍വ്വ വിദ്യാര്‍ത്ഥി കൂടിയാണ്. അവിടെ പഠിച്ചിരുന്നപ്പോള്‍ ഇത്രയും പ്രശ്നക്കാരനായ ഒരു വിദ്യാര്‍ത്ഥി വേറെ ഉണ്ടായിരുന്നില്ല. ആ സ്വഭാവം അറിയാവുന്നതുകൊണ്ടുതന്നെയാണ് എഡ്ഡിയെ പ്രിന്‍സിപ്പല്‍ കോളജിലെ ഇംഗ്ലീഷ് പ്രൊഫസറായി ക്ഷണിക്കുന്നത്!
 
ഭവാനി ദുര്‍ഗ എന്ന ഐ പി എസ് ഉദ്യോഗസ്ഥയായി വരലക്ഷ്മി അഭിനയിക്കുന്ന ചിത്രത്തില്‍ ഉണ്ണി മുകുന്ദനും ഒരു പൊലീസ് ഉദ്യോഗസ്ഥനാണ്. പൂനം ബജ്‌വ ഈ ചിത്രത്തില്‍ കോളജ് പ്രൊഫസറായി എത്തുന്നു. സന്തോഷ് പണ്ഡിറ്റും ചിത്രത്തിലുണ്ട്.
 
പുലിമുരുകന് ശേഷം എഴുതുന്ന ഈ സിനിമ ഒരു ഹൈവോള്‍ട്ടേജ് മാസ് എന്‍റര്‍ടെയ്നറാണ്. മമ്മൂട്ടിയുടെ തകര്‍പ്പന്‍ ആക്ഷന്‍ സീക്വന്‍സുകള്‍ ചിത്രത്തിന്‍റെ പ്രത്യേകതയാണ്. ഗോകുല്‍ സുരേഷ്ഗോപിയും മക്ബൂല്‍ സല്‍മാനും ഇനിയും പേര് നിശ്ചയിക്കാത്ത ഈ സിനിമയില്‍ വിദ്യാര്‍ത്ഥി നേതാക്കളായി എത്തുന്നു. കൊല്ലം ഫാത്തിമ കോളജാണ് ചിത്രത്തിന്‍റെ പ്രധാന ലൊക്കേഷന്‍.



Widgets Magazine
Widgets Magazine
ഇതിനെക്കുറിച്ച് കൂടുതല്‍ വായിക്കുക :  

Widgets Magazine

സിനിമ

news

മമ്മൂട്ടിയുടെ കർണന് വേണ്ടി എംടി അഡ്വാൻസ് വാങ്ങി; എല്ലാം ഓകെയായിരുന്നു, പക്ഷേ...

മലയാള സിനിമയുടെ പ്രധാന ചർച്ചാവിഷയം മോഹൻലാലിന്റെ രണ്ടാ‌മൂഴമാണ്. എംടി വാസുദേവൻ നായരുടെ ...

news

ക്ലൈമാക്സ് തീരുമാനമായി, പ്രഭാസും മോഹന്‍ലാലും ഏറ്റുമുട്ടും!

ഇന്ത്യന്‍ സിനിമയിലെ ഏറ്റവും മികച്ച അഭിനയപ്രതിഭയാണ് മോഹന്‍ലാല്‍. ഇക്കഴിഞ്ഞ വര്‍ഷത്തെ ...

news

പ്രഭാസ് വരും, മമ്മൂട്ടി വരില്ല!

എല്ലാവരും ബാഹുബലി 2ന്‍റെ കണ്ണഞ്ചിപ്പിക്കുന്ന വിജയത്തില്‍ മതിമറന്നുനില്‍ക്കുകയാണ്. ഇത്രയും ...

news

വെറും ഏഴ് വർഷം! നിവിൻ പിന്നിലാക്കിയത് മോഹൻലാലിനേയും മമ്മൂട്ടിയേയും!

ഏറ്റവും കൂടുതൽ പ്രതിഫലം വാങ്ങുന്ന മലയാളത്തിലെ നടൻ ആരെന്ന് ചോദിച്ചാൽ മോഹൻലാൽ എന്നാകും ...

Widgets Magazine Widgets Magazine