മലയാള സിനിമയുടെ രണ്ട് നെടുംതൂണുകളാണ് മോഹൻലാലും മമ്മൂട്ടിയും. രണ്ടു പേരുടേയും കൂടെ വർക്ക് ചെയ്യാൻ കഴിയുന്നത് തന്നെ മഹാഭാഗ്യമായി കാണുന്നവരാണ് ഇപ്പോഴുള്ള യുവതാരങ്ങൾ.

മമ്മൂട്ടിയേയും മോഹൻലാലിനേയും വിലയിരുത്തുകയാണ് സംവിധായകൻ ബി ഉണ്ണികൃഷ്ണൻ. രണ്ട് പേരും വലിയ നടന്മാരാണെന്നും അവർക്ക് അവരുടേതായ പ്രത്യേകതയും സവിശേഷതയും പരിമിതികളുമുണ്ടെന്ന് ഉണ്ണികൃഷ്ണൻ മലയാള മനോരമയ്ക്ക് നൽകിയ അഭിമുഖത്തിൽ പറയുന്നു.

രാജമാണിക്യം പോലുള്ള ചിത്രങ്ങൾ അദ്ദേഹത്തിനു മാത്രം ചെയ്യാൻ പറ്റുന്നവയാണെന്ന് അദ്ദേഹം പറയുന്നു. അമരം, വടക്കൻ വീരഗാഥ, തനിയാവർത്തനം തുടങ്ങി പ്രാഞ്ചിയേട്ടൻ വരെയുള്ള മമ്മൂട്ടി ചിത്രങ്ങൾ എല്ലാവരും സെലിബ്രേറ്റ് ചെയ്യുന്നവയാണ്. സ്റ്റൈലൈസ്ഡ് ആയിട്ടുള്ള വേഷങ്ങൾ ചെയ്ത് പ്രതിഫലിപ്പിക്കാനുള്ള അസാമാന്യമായ മിടുക്ക് മറ്റാരെക്കാളും അദ്ദേഹത്തിനുണ്ടെന്നും ബി ഉണ്ണികൃഷ്ണൻ പറയുന്നു.