മാതാവിനെ ലൈംഗികമായി പീഡിപ്പിക്കാന്‍ ശ്രമിച്ച സുഹൃത്തിന്റെ തലയറുത്ത് യുവാവ്. കർ‌ണാടകയിലെ മണ്ഡ്യയിൽ ഇന്നലെയാണു സംഭവം. സുഹൃത്തിനെ കൊലപ്പെടുത്തിയതിനുശേഷം തലയുമായി ഇയാൾ പൊലീസ് സ്റ്റേഷനിലെത്തി കീഴടങ്ങുകയായിരുന്നു.

പശുപതിയെന്നയാളാണ് പൊലീസിന് മുന്നിൽ കീഴടങ്ങിയത്. ഗിരീഷ് എന്നയാളാണു കൊല്ലപ്പെട്ടത്. മാതാവിനെതിരെ മോശം വാക്കുകൾ ഉപയോഗിച്ചതിനു ഗിരീഷുമായി പശുപതി നേരത്തെ വാക്കുതർക്കത്തിൽ ഏർപ്പെട്ടിരുന്നു. രണ്ടുതവണ ഇത്തരത്തിൽ തർക്കമുണ്ടായിരുന്നു. തുടർന്നാണു കൊലപാതകം.