അഭിറാം മനോഹർ|
Last Modified വെള്ളി, 14 മാര്‍ച്ച് 2025 (17:51 IST)
പ്രായപൂര്‍ത്തിയാകാത്ത പെണ്‍കുട്ടിയെ ലൈംഗികമായി പീഡിപ്പിച്ചെന്ന പരാതിയില്‍ പോക്സോ കേസില്‍ യുവതി അറസ്റ്റില്‍. കണ്ണൂര്‍ ജില്ലയിലെ തളിപറമ്പയിലാണ് സംഭവം. പുളിപ്പറമ്പ് സ്വദേശി സ്‌നേഹ മെര്‍ലിന്‍ എന്ന 23കാരിയാണ് പോലീസിന്റെ പിടിയിലായത്.
പെണ്‍കുട്ടിയുടെ പെരുമാറ്റത്തില്‍ സംശയം തോന്നിയ അധ്യാപകരാണ് രക്ഷിതാക്കളെ വിവരം അറിയിച്ചത്. തുടര്‍ന്ന് ചൈല്‍ഡ് ലൈന്‍ അധികൃതര്‍ നല്‍കിയ കൗണ്‍സിലിങ്ങിലാണ് പീഡന വിവരം പുറത്തായത്. 12 വയസുള്ള പെണ്‍കുട്ടിയെ പലതവണ യുവതി പീഡിപ്പിച്ചതായാണ് കേസ്. യുവതിക്കെതിരെ ഇതിനെ തുടര്‍ന്ന് പോലീസ് കേസെടുക്കുകയും അറസ്റ്റ് ചെയ്യുകയും ചെയ്തു. യുവതിക്കെതിരെ സമാനമായ കേസ് മുന്‍പും ഉണ്ടായിട്ടുണ്ടെന്നാണ് സൂചന.
