ദുബായ്|
jibin|
Last Modified ചൊവ്വ, 19 ഡിസം‌ബര്‍ 2017 (17:16 IST)
ഇന്ത്യന്‍ ക്രിക്കറ്റ് ടീം ക്യാപ്‌റ്റന്‍ വിരാട് കോഹ്‌ലിയാണോ ഓസ്‌ട്രേലിയന്‍ നായകന്‍ സ്‌റ്റീവ് സ്‌മിത്താണോ കേമന്‍ എന്ന ചര്‍ച്ച രൂക്ഷമായിരിക്കെ പുതിയ നേട്ടം സ്വന്തമാക്കി സ്മിത്ത്. ഒരു കലണ്ടർ വർഷത്തിൽ റാങ്കിംഗിൽ ഏറ്റവും കൂടുതൽ പോയിന്റ് നേടുന്ന രണ്ടാമത്തെ താരമെന്ന ബഹുമതിയാണ് അദ്ദേഹത്തിനെ തേടിയെത്തിയിരിക്കുന്നത്.
ക്രിക്കറ്റ് ഇതിഹാസം ഡോണ്‍ ബ്രാഡ്‌മാന്‍ മാത്രമാണ് മാത്രമാണ് സ്‌മിത്തിന് മുമ്പിലുള്ളത്. ആഷസ് പരമ്പരയിലെ തകര്‍പ്പന്‍ പ്രകടനമാണ് സ്‌മിത്തിനെ സ്വപ്‌ന തുല്യമായ നേട്ടത്തില്‍ എത്തിച്ചത്. 945 പോയിന്റ് സ്വന്തമാക്കിയ ഓസീസ് നായകന്‍ 961 പോയിന്റ് സ്വന്തമായുള്ള ബ്രാഡ്‌മാനെ മറികടക്കുമെന്നാണ് റിപ്പോര്‍ട്ട്.
ആഷസില്‍ രണ്ടു ടെസ്‌റ്റ് കൂടി ബാക്കി നില്‍ക്കുന്നതിനാല്‍ ബ്രാഡ്‌മാന്റെ നേട്ടം സ്മിത്ത് മറികടക്കുമെന്നാണ് ക്രിക്കറ്റ് നിരീക്ഷകര്‍ അഭിപ്രായപ്പെടുന്നത്. ഇംഗ്ലണ്ടിന്റെ മുൻതാരം ലെൻ ഹട്ടണുമായാണ് സ്മിത്ത് രണ്ടാം സ്ഥാനം പങ്കിടുന്നത്.
കഴിഞ്ഞ രണ്ടു വര്‍ഷമായി ടെസ്‌റ്റ് റാങ്കിംഗില്‍ ഒന്നാമത് തുടര്‍ന്ന് സ്‌മിത്തിന് ഭീഷണിയായുള്ളത് കോഹ്‌ലിയാണെങ്കിലും ഇരുവരും തമ്മിലുള്ള പോയിന്റ് വ്യത്യാസം ഏറെയാണ്. മൂന്നാം സ്ഥാനത്ത് ഇന്ത്യന്‍ താരം ചേതേശ്വർ പൂജാരയാണുള്ളത്.
