അഭിറാം മനോഹർ|
Last Modified ചൊവ്വ, 17 സെപ്‌റ്റംബര്‍ 2024 (15:05 IST)
ബംഗ്ലാദേശിനെതിരായ ടെസ്റ്റ് പരമ്പര നടക്കാനിരിക്കെ ഇന്ത്യന്‍ നായകന്‍ രോഹിത് ശര്‍മയെ കാത്ത് ചില നാഴികകല്ലുകള്‍. ടെസ്റ്റില്‍ ഏറ്റവും കൂടുതല്‍ സിക്‌സുകള്‍ നേടുന്ന ഇന്ത്യന്‍ താരമെന്ന റെക്കോര്‍ഡാണ് രോഹിത്തിനെ കാത്തിരിക്കുന്നത്. ബംഗ്ലാദേശ് സീരീസില്‍ 8 സിക്‌സുകള്‍ നേടിയാല്‍ വിരേന്ദര്‍ സേവാഗിനെ മറികടക്കാന്‍ രോഹിത്തിനാകും. 91 സിക്‌സുകളാണ് ടെസ്റ്റില്‍ സെവാഗ് നേടിയിട്ടുള്ളത്.
ഇത് കൂടാതെ ബംഗ്ലാദേശ് സീരീസില്‍ 2 സെഞ്ചുറികള്‍ കൂടി നേടാനാവുകയാണെങ്കില്‍ 50 സെഞ്ചുറികള്‍ പൂര്‍ത്തിയാക്കുന്ന മൂന്നാമത്തെ ഇന്ത്യക്കാരനാകാന്‍ രോഹിത്തിനാകും. സച്ചിന്‍ ടെന്‍ഡുല്‍ക്കറും വിരാട് കോലിയും മാത്രമാണ് ഈ നേട്ടം സ്വന്തമാക്കിയിട്ടുള്ള മറ്റ് ഇന്ത്യന്‍ താരങ്ങള്‍. ഇപ്പോള്‍ മികച്ച ഫോമിലുള്ള രോഹിത്തിന് ഈ രണ്ട് നേട്ടങ്ങളും മറികടക്കാന്‍ രോഹിത്തിനാകുമെന്നാണ് ആരാധകര്‍ പ്രതീക്ഷിക്കുന്നത്.
