പരുക്കിനെ തുടർന്ന് വിശ്രമത്തിലായിരുന്ന പേസ് ബോളർ ജസ്പ്രിത് ബുമ്ര തിരിച്ചു വരവിന്റെ പാതയിലാണ്. ഇതിന്റെ ഭാഗമായി ബുമ്ര പരിശീലനം നടത്തിയിരുന്നു. ബുമ്രയുടെ ആരാധകരെ സന്തോഷിപ്പിക്കുന്ന വാർത്തയാണ് ഇന്ത്യൻ ക്യാപിൽ നിന്നും വരുന്നത്. വെസ്റ്റിൻഡീസിനെതിരായ രണ്ടാം ഏകദിനത്തിന് മുന്നോടിയായി ഇന്ത്യൻ ബാറ്റ്സ്മാൻമാർക്കു നെറ്റ്സിൽ പന്തെറിയാൻ ബുമ്രയെത്തിയിരിക്കുകയാണ്.

പരിക്കിനെ തുടര്‍ന്ന് ദീര്‍ഘനാളായി വിശ്രമത്തിലായിരുന്ന ബുംറ തിരിച്ചെത്തുന്നതിന്റെ ഭാഗമായാണ് ഇന്ത്യയുടെ പരിശീലന സെഷനിലുമെത്തിയത്. ബുംറയ്‌ക്കൊപ്പം യുവ ബാറ്റ്‌സ്മാന്‍ പൃഥ്വി ഷായും പരിശീലന വേളയിലുണ്ടായിരുന്നു. ഇതിന്റെ ചിത്രം ബിസിസിഐ പങ്കുവെയ്ക്കുകയും ചെയ്തു. ആരാണ് ഇവിടെയെന്ന് നോക്കൂയെന്നാണ് ബിസിസിഐ ചിത്രത്തിന് നല്‍കിയ തലക്കെട്ട്.

ലോകത്തിലെ തന്നെ ഏറ്റവും മികച്ച ബാറ്റ്സ്മാന്മാരായ വിരാട് കോഹ്ലി, രോഹിത് ശർമ തുടങ്ങിയവരെ ബുമ്ര നേരിട്ടു. ബുമ്രയുടെ ഫിറ്റ്നസ് പരിശോധിക്കാനായിരുന്നു ഈ നീക്കം. നൂറുശതമാനം ഫിറ്റ്നസോടെ ബുമ്രയെ തിരികെ വേണമെന്നാണു പരിശീലകൻ രവി ശാസ്ത്രിയുടെ ആവശ്യം. പരിശീലനത്തിൽ ശാസ്ത്രി സന്തുഷ്ടനാണ്.

2020 ജനുവരി 24നാണ് ന്യീസീലൻഡിനെതിരായ പരമ്പരയിൽ ബുമ്ര ഉണ്ടാകുമെന്ന് ഉറപ്പായി കഴിഞ്ഞു. ന്യൂസീലന്‍ഡ് പര്യടനത്തിൽ ബുമ്ര ഇന്ത്യൻ നിരയിൽ നിർണായകമാണെന്നാണു ടീമിന്റെ നിലപാട്.