28 റൺസിന് ബംഗ്ലാദേശിനെ പരാജയപ്പെടുത്തി ഇന്ത്യ സെമി ഫൈനലിലേക്ക് സ്ഥാനമുറപ്പിച്ച് കഴിഞ്ഞു. ഗ്രൌണ്ടിൽ രോഹിത് ശർമയും കെ എൽ രാഹുലും തകർത്താടുമ്പോൾ ഗ്യാലറിയിൽ ചാരുലത പട്ടേലെന്ന 87കാരി ഇന്ത്യൻ താരങ്ങളെ ആർത്തുവിളിച്ച് പ്രോത്സാഹിപ്പിക്കുകയായിരുന്നു.

ക്രിക്കറ്റ് ലോകം മുഴുവന്‍ സംസാരിക്കുന്നത് എണ്‍പത്തിയെട്ട് വയസ്സുള്ള ഈ മുത്തശ്ശിയെക്കുറിച്ചാണ്. ഇന്ത്യക്ക് പിന്തുണ നൽകി പീപ്പിയൂതിയും ആവേശത്തോടെ പ്രോത്സാഹിപ്പിച്ചു കൊണ്ടിരിയ്ക്കുകയായിരുന്നു ഈ മുത്തശ്ശി. ക്യാമറാക്കണ്ണുകൾ ചാരുതല പട്ടേലിന്റെ ആവേശം നിറഞ്ഞ ചിത്രങ്ങൾ ഒപ്പിയെടുത്തു.

ഇതോടെ ഇന്ത്യൻ നായകൻ വിരാട് കോഹ്ലിയും സഹതാരം രോഹിത് ശർമയുമെല്ലാം പ്രായം തളർത്താത്ത ആ ആവേശത്തിനു മുന്നിൽ മുട്ടുകുത്തി. ഇരുവരും മുത്തശിയുടെ അനുഗ്രഹം തേടിയെത്തുകയും ചെയ്തു. കളി കഴിഞ്ഞ ശേഷം കോഹ്ലി ഗ്യാലറിയിലെത്തി കുറച്ച് നേരം ഇവർക്കൊപ്പം ചിലവഴിക്കുകയും ചെയ്തു.