2025ല്‍ നടക്കാനിരിക്കുന്ന ലോക ടെസ്റ്റ് ചാമ്പ്യന്‍ഷിപ്പിന്റെ ഭാഗമായി 2024ല്‍ ഇന്ത്യ കളിക്കുക പതിഞ്ചോളം ടെസ്റ്റ് മത്സരങ്ങള്‍. ദക്ഷിണാഫ്രിക്കയിലും ഓസ്‌ട്രേലിയയിലും നടക്കുന്ന ടെസ്റ്റ് മത്സരങ്ങള്‍ അടക്കമാണിത്. ഈ മാസം 26നാണ് ദക്ഷിണാഫ്രിക്കക്കെതിരായ രണ്ട് ടെസ്റ്റ് മത്സരങ്ങളടങ്ങിയ പരമ്പര നടക്കുന്നത്. പരമ്പരയിലെ രണ്ടാം ടെസ്റ്റ് മത്സരം ജനുവരി ആദ്യം നടക്കും.

ഇതിന് പിന്നാലെ ഇംഗ്ലണ്ടുമായി അഞ്ച് മത്സരങ്ങളടങ്ങിയ ടെസ്റ്റ് പരമ്പരയിലാകും ഇന്ത്യ കളിക്കുക. ഇന്ത്യയില്‍ വെച്ചാണ് ഈ മത്സരങ്ങള്‍ നടക്കുക. തുടര്‍ന്ന് ബംഗ്ലാദേശുമായി 2 ടെസ് മത്സരങ്ങളും ന്യൂസിലന്‍ഡിനെതിരെ 3 ടെസ്റ്റ് മത്സരങ്ങളും ഇന്ത്യ കളിക്കും. ഈ മത്സരങ്ങളെല്ലാം ഇന്ത്യയിലാകും നടക്കുക. ഈ പരമ്പരകള്‍ക്ക് ശേഷമാകും ഓസ്‌ട്രേലിയക്കെതിരായ ടെസ്റ്റ് പരമ്പര. ഇത്തവണ ഓസീസില്‍ വെച്ചാകും പരമ്പര നടക്കുക. കഴിഞ്ഞ തവണ ഓസ്‌ട്രേലിയയില്‍ നടന്ന പരമ്പര ഇന്ത്യയായിരുന്നു സ്വന്തമാക്കിയത്.