ഇന്ത്യയുടെ 2024 ടി20 ലോകകപ്പിനുള്ള ക്യാമ്പയിൻ 2023 ജനുവരിയോടെ ആരംഭിക്കും. ശ്രീലങ്കയ്ക്കെതിരായ 3 മത്സരങ്ങളുടെ ടി20 പരമ്പരയോടെയാകും ഇതിന് തുടക്കമാകുക. സീനിയർ താരങ്ങളായ രോഹിത് ശർമ, മുൻ നായകൻ വിരാട് കോലി എന്നിവർ ഇന്ത്യയുടെ ടി20 പ്ലാനിൻ്റെ ഭാഗമാകില്ലെന്നാണ് സൂചന.

ഹാർദ്ദിക് പാണ്ഡ്യയാകും പുതിയ ഇന്ത്യൻ ടീമിനെ നയിക്കുക. ഇവർക്ക് പുറമെ മുഹമ്മദ് ഷമി,ആർ അശ്വിൻ,ദിനേഷ് കാർത്തിക് എന്നിവരെയും ടി20 ടീമിൽ ഉൾപ്പെടുത്തില്ലെന്ന് ബിസിസിഐ അനൗപചാരികമായ ചാറ്റിൽ അറിയിച്ചതായാണ് റിപ്പോർട്ട്.ഡിസംബറിൽ പുതിയ സ്വ്ലക്ഷൻ കമ്മിറ്റി നിലവിൽ വരും. ഇന്ത്യൻ ടീമിനെ സംബന്ധിച്ച ഔദ്യോഗിക വിവരങ്ങൾ ഇവരായിരിക്കും അറിയിക്കുക.