അഭിറാം മനോഹർ|
Last Modified ചൊവ്വ, 24 സെപ്‌റ്റംബര്‍ 2024 (12:09 IST)
ബോര്‍ഡര്‍- ഗവാസ്‌കര്‍ ട്രോഫിക്ക് മുന്‍പായി ഇന്ത്യന്‍ സ്റ്റാര്‍ പേസര്‍ ജസ്പ്രീത് ബുമ്രയെ പ്രശംസിച്ച് ഓസ്‌ട്രേലിയന്‍ ബാറ്റര്‍ സ്റ്റീവ് സ്മിത്ത്. ഇന്ന് നിലവിലുള്ള ബൗളർമാരിൽ ഏറ്റവും മികച്ച ഓള്‍ ഫോര്‍മാറ്റ് ബൗളര്‍ ബുമ്രയാണെന്ന് സ്റ്റീവ് സ്മിത്ത് വ്യക്തമാക്കി. പുതിയ പന്തിലും പഴകിയ പന്തിലും ബുമ്ര ഒരുപോലെ അപകടകാരിയാണെന്നും സ്മിത്ത് പറയുന്നു.
ഇന്ത്യയും ഓസ്‌ട്രേലിയയും തമ്മിലുള്ള അഞ്ച് ടെസ്റ്റ് മത്സരങ്ങളടങ്ങിയ പരമ്പരയ്ക്ക് നവംബര്‍ 22നാണ് തുടക്കമാവുക. കഴിഞ്ഞ 2 തവണയും ഓസ്‌ട്രേലിയയില്‍ പരമ്പര സ്വന്തമാക്കാന്‍ ഇന്ത്യയ്ക്ക് സാധിച്ചിരുന്നു. അതിനാല്‍ തന്നെ ഹാട്രിക് നേട്ടം ഓസീസ് മണ്ണില്‍ സ്വന്തമാക്കാനാണ് ഇന്ത്യ ശ്രമിക്കുക. അതേസമയം ടെസ്റ്റ് ക്രിക്കറ്റില്‍ മികച്ച താരങ്ങളാല്‍ സമ്പന്നമാണ് ഓസ്‌ട്രേലിയന്‍ നിര. ബൗളിംഗിലും ബാറ്റിംഗിലും ഒരു പോലെ ശക്തമായ 2 രാജ്യങ്ങള്‍ തമ്മിലുള്ള പോരാട്ടത്തെ ആകാംക്ഷയോടെയാണ് ക്രിക്കറ്റ് ലോകം കാത്തിരിക്കുന്നത്.
