ഇന്ത്യക്കെതിരായ ആദ്യ ടെസ്റ്റിന് മുൻപ് ഇന്ത്യയ്ക്ക് മുന്നറിയിപ്പുമായി ഉംഗ്ലണ്ട് പേസർ ജോഫ്ര ആർച്ചർ. ഇംഗ്ലണ്ടിനെ സ്പിന്നർമാരെ ഉപയോഗിച്ച് കറക്കി‌വീഴ്‌ത്താമെന്നത് ഇന്ത്യയുടെ അതിമോഹമാണെന്നും ഇംഗ്ലണ്ട് നിരയിലും മികച്ച സ്പിന്നർമാരുണ്ടെന്നും ആർച്ചർ പറഞ്ഞു.

2016-17ൽ നടന്ന പരമ്പരയിൽ ഇംഗ്ലണ്ടിനെ ഇന്ത്യ 4-0ന് തകർത്തിരുന്നു. അശ്വിൻ-ജഡേജ സഖ്യത്തിന് മുന്നിൽ പിടിച്ച് നിൽക്കാനാവാതെയാണ് അന്ന് ഇംഗ്ലണ്ട് അടിയറവ് പറഞ്ഞത്. അതേസമയം ഇംഗ്ലണ്ട് സ്പിന്നർമാർക്ക് ഇത്തരം പ്രകടനം കാഴ്‌ച്ചവെക്കാനുമായില്ല. അതേസമയം ഓസീസിനെതിരായ ഇന്ത്യയുടെ പ്രകടനത്തെ പുകഴ്‌ത്താൻ ആർച്ചർ മറന്നില്ല, ഇന്ത്യൻ ടീമിലെ എല്ലാ താരങ്ങളും പരമ്പരയിൽ തങ്ങളുടേതായ സംഭാവന നൽകി. അതാണ് ഇന്ത്യൻ വിജയത്തിൽ തന്നെ ഏറ്റവും അധികം ആകർഷിച്ചതെന്നും ആർച്ചർ പറഞ്ഞു.