പദ്ധതി പാളിയെന്ന് വാട്സണ്; പുത്തന്‍ താരോദയങ്ങളുണ്ടായെന്ന് ധോണി
ന്യൂഡല്‍ഹി|
WEBDUNIA|
PRO
ഓസ്ട്രേലിയയ്ക്കെതിരെ നേടിയത് ടീമിലെ ഓരോരുത്തരുടെയും ജയമാണെന്ന് ഇന്ത്യന്‍ ക്യാപ്റ്റന്‍ എം എസ് ധോണി. ടീമംഗങ്ങള്‍ അവരുടെ ഉത്തരവാദിത്വം ശരിയായി നിര്‍വഹിച്ചുവെന്നും കഴിഞ്ഞ ഒന്നര വര്‍ഷമായി മികച്ച പ്രകടനം നടത്താന്‍ ടീമിനായിരുന്നില്ല, ഈ പരമ്പരയോടെ, ടീമിന്‍റെ പോരാട്ടവീര്യം തിരിച്ചുവന്നു. നിരവധി മാറ്റങ്ങള്‍ക്കും പുതിയ താരോദയങ്ങള്‍ക്കും പരമ്പര സാക്ഷ്യം വഹിച്ചുവെന്നും ധോണി പറഞ്ഞു.
കടുത്ത മത്സരമായിരുന്നു നേരിടേണ്ടിവന്നതെന്നും ബൗളര്‍മാര്‍ അവസരത്തിനൊത്തുയര്‍ന്നില്ലെന്നും ഓസ്ട്രേലിയന്‍ ക്യാപ്റ്റന്‍ ഷെയ്ന് വാട്സണ് പറഞ്ഞു. രണ്ടാം ഇന്നിങ്സില്‍ പദ്ധതിക്കനുസരിച്ച് ബൗള്‍ ചെയ്യാനായില്ലെന്നും പൂജാരയാണ് മത്സരം തട്ടിയെടുത്തതെന്നും ടീമിലെ എല്ലാവര്‍ക്കും ഈ പരമ്പരയൊരു പാഠമായി നിരവധി കാര്യങ്ങള്‍ പഠിക്കാനുമായിയെന്നും വാട്സണ് പറഞ്ഞു.
