മെല്ബണ്|
WEBDUNIA|
Last Modified ഞായര്, 27 സെപ്റ്റംബര് 2009 (13:45 IST)
PRO
ആസ്ട്രേലിയന് ട്വന്റി-20 ടീമിനെ നയിക്കാന് വൈസ് ക്യാപ്റ്റന് മൈക്കല് ക്ലാര്ക്ക് യോഗ്യനാണെന്ന് ഓസീസ് ബാറ്റ്സ്മാന് കാമറൂണ് വൈറ്റ്. സിഡ്നി മോര്ണിംഗ് ഹെറാള്ഡിന് അനുവദിച്ച അഭിമുഖത്തിലാണ് വൈറ്റ് ഇക്കാര്യം വ്യക്തമാക്കിയത്.
ഓസീസ് നായകനായിരുന്ന റിക്കി പോണ്ടിംഗ് ട്വന്റി-20 യില് നിന്ന് വിരമിച്ചതോടെയാണ് ഓസീസ് ട്വന്റി-20 ടീം പുതിയ നായകനെ തേടിത്തുടങ്ങിയത്. മൈക്കല് ക്ലാര്ക്കും ബ്രാഡ് ഹഡിനുമാണ് നായകസ്ഥാനത്തേക്കുള്ള പോരാട്ടത്തില് മുന്പില് നില്ക്കുന്നത്.
നേരത്തെ കാമറൂണ് വൈറ്റിന്റെ പേരും നായകസ്ഥാനത്തേക്ക് ഉയര്ന്നിരുന്നു. ആഭ്യന്തര ടീമായ വിക്ടോറിയയുടെ നായകനാണ് വൈറ്റ്. വൈറ്റിന്റെ കീഴില് വിക്ടോറിയയ്ക്ക് മികച്ച പ്രകടനത്തിന്റെ റെക്കോഡാണുള്ളത്.