മെല്‍ബണ്‍|
WEBDUNIA|
Last Modified ചൊവ്വ, 26 ഒക്‌ടോബര്‍ 2010 (11:06 IST)
ശ്രീലങ്കക്കെതിരെ നടക്കാനിരിക്കുന്ന ഏകദിന പരമ്പരയ്ക്കുള്ള ടീമില്‍ നായകന് റിക്കി പോണ്ടിംഗ് തിരിച്ചെത്തി. ഷെയ്ന്‍ വാട്സന്‍, മിച്ചല്‍ ജോണ്‍സന്‍ എന്നിവരും തിരിച്ചെത്തിയിട്ടുണ്ട്. ഇന്ത്യയില്‍ നടന്ന ഏകദിന പരമ്പരയില്‍ ഇവര്‍ മൂന്ന് പേരും കളിച്ചിരുന്നില്ല. ഇന്ത്യന്‍ പര്യടനത്തില്‍ തകര്‍ന്ന ടീമിനെ വീണ്ടും ശക്തിപ്പെടുത്താനാണ് പോണ്ടിംഗ് ലക്‍ഷ്യമിടുന്നത്.
ലോകകപ്പിന് മുന്നോടിയായി മികച്ച ഏകദിന ടീമിനെ കണ്ടെത്തേണ്ടതുണ്ട്. താസ്മാനിയയുടെ സ്പിന്നര്‍ എക്സാവിയര്‍ ദൊഹെര്‍ത്തിയെ ടീമില്‍ ഉള്‍പ്പെടുത്തിയതാണ് ടീമിലെ പ്രധാന മാറ്റം. നവംബര്‍ മൂന്നിന് മെല്‍ബണില്‍ നടക്കുന്ന ആദ്യ ഏകദിനത്തില്‍ ദൊഹര്‍ത്തി കളിച്ചേക്കുമെന്നാണ് കരുതുന്നത്. ഓസീസ് ടീമില്‍ മികച്ച സ്പിന്നറുടെ അഭാവം തലവേദനയായിട്ടുണ്ട്.
