Last Modified വ്യാഴം, 6 ഒക്‌ടോബര്‍ 2016 (14:48 IST)
വെള്ളിയാഴ്ച പുലിമുരുകന്‍ 325 കേന്ദ്രങ്ങളിലാണ് റിലീസ്. മമ്മൂട്ടിയുടെ തോപ്പില്‍ ജോപ്പനും അന്നുതന്നെ തിയേറ്ററുകളിലെത്തും. കേരളത്തിലെന്തായാലും മമ്മൂട്ടി - മോഹന്‍ലാല്‍ യുദ്ധം പൊടിപൊടിക്കുമെന്ന് സാരം. എന്നാല്‍ എല്ലാവര്‍ക്കും ഒരു സംശയമുണ്ട് - വിജയക്കൊടി പാറിച്ചുനില്‍ക്കുന്ന ‘ഒപ്പം’ ഈ രണ്ട് സിനിമകള്‍ക്കും ഭീഷണിയുയര്‍ത്തുമോ?
റിലീസായി 30 ദിവസങ്ങള്‍ കൊണ്ട് 35 കോടി രൂപ കേരളത്തില്‍ നിന്ന് മാത്രം വാരിക്കൂട്ടി റെക്കോര്‍ഡിട്ട ചരിത്രമാണ് ഒപ്പത്തിന്‍റേത്. ഇപ്പോഴും ദിവസം 370 ഹൌസ്ഫുള്‍ ഷോകള്‍ കളിക്കുന്നുണ്ട് ഈ പ്രിയദര്‍ശന്‍ - മോഹന്‍ലാല്‍ ത്രില്ലര്‍.
പുലിമുരുകനും തോപ്പില്‍ ജോപ്പനും വരുമ്പോള്‍ ഏറ്റവും പ്രധാന വെല്ലുവിളി ഒപ്പത്തില്‍ നിന്നുതന്നെയാവും നേരിടേണ്ടിവരിക. മോഹന്‍ലാലിന്‍റെ ഏറ്റവും വലിയ ഹിറ്റിനോടാണ് പുലിക്കും ജോപ്പനും പോരാടേണ്ടിവരിക എന്നതുതന്നെയാണ് ഈ രണ്ടുസിനിമകള്‍ക്കും മുമ്പിലുള്ള വെല്ലുവിളി.
കേരളത്തിന് പുറത്തും 170 തിയേറ്ററുകളില്‍ പുലിമുരുകന്‍ റിലീസാകുന്നുണ്ട്. തോപ്പില്‍ ജോപ്പനില്‍ മമ്മൂട്ടിയുടെ അച്ചായന്‍ വേഷം തന്നെയാണ് ഹൈലൈറ്റ്.
