അങ്ങനെ ആ പ്രണയവും സഫലമായി... നേരം, പ്രേമം, ഹാപ്പി വെഡ്ഡിങ് തുടങ്ങിയ ചിത്രങ്ങളിലൂടെ ശ്രദ്ധേയനായ സിജു വില്‍സണിന്റെ വിവാഹം കഴിഞ്ഞു. മെയ് 26 ന്, കൊച്ചിയില്‍ വച്ചാണ് സിജുവിന്റെയും ശ്രുതിയുടെയും വിവാഹം നടന്നത്. നീണ്ട നാളായി പ്രണയത്തിലായിരുന്നു സിജുവും ശ്രുതിയും. ഇരുവീട്ടുകാരുടെയും സമ്മതത്തോടെയും അനുഗ്രഹത്തോടെയുംമാണ് വിവാഹം നടന്നത്.

ഹിന്ദു, ക്രിസ്ത്യന്‍ മതാചാരപ്രകാരം വളരെ വ്യത്യസ്തമായിട്ടായിരുന്നു ശ്രുതിയുടെയും സിജുവിന്റെയും വിവാഹം. പ്രേമത്തിലെ ഉള്‍പ്പടെയുള്ള സിനിമാ സുഹൃത്തുക്കള്‍ വിവാഹത്തില്‍ പങ്കെടുത്തു. രാവിലെ ഹിന്ദു മാതാചാര പ്രകാരവും വൈകിട്ട് ക്രിസ്ത്യന്‍ മതാചാര പ്രകാരവുമായിരുന്നു വിവാഹം നടന്നത്.

ആലുവയിലെ സിനിമാ സുഹൃത്തുക്കളെല്ലാം വിവാഹത്തില്‍ പങ്കെടുത്തു. നേരം എന്ന ചിത്രത്തില്‍ ജോണ്‍ എന്ന കഥാപാത്രം ചെയ്തുകൊണ്ടാണ് സിജു ശ്രദ്ധിക്കപ്പെട്ടത്. പ്രേമത്തിലെ ജോജു എന്ന കഥാപാത്രവും വളരെ ശ്രദ്ധേയമായിരുന്നു. ഓമര്‍ ലാലുവിന്റെ ഹാപ്പി വെഡ്ഡിങ് എന്ന ചിത്രത്തിലൂടെയാണ് സിജു നായകനായി എത്തുന്നത്.