കെ ആര്‍ അനൂപ്|
Last Modified ചൊവ്വ, 21 മെയ് 2024 (11:20 IST)
മോഹന്‍ലാല്‍ ഇന്ന് 64-ാം ജന്മദിനം ആഘോഷിക്കുകയാണ്. സുഹൃത്തുക്കളും ആരാധകരും സഹപ്രവര്‍ത്തകരും നടന് നേരത്തെ തന്നെ ആശംസകള്‍ നേര്‍ന്നു. ഇപ്പോഴിതാ സിനിമാ മേഖലയിലുള്ള നടന്റെ വലിയ ആരാധകന്‍ ആശംസയുമായി എത്തിയിരിക്കുകയാണ്. അത് മറ്റാരുമല്ല സംവിധായകനും നടനുമായ സാജിദ് യാഹിയ ആണ് ആ ഫാന്‍ ബോയ്. തന്നെ സിനിമാക്കാരന്‍ ആക്കിയതില്‍ മോഹന്‍ലാലിനും പങ്കുണ്ടെന്നാണ് സാജിദ് പറയുന്നത്. അദ്ദേഹത്തിന്റെ സിനിമകള്‍ അത്രത്തോളം സാജിദിനെ സ്വാധീനിച്ചു. ഒടുവില്‍ സിനിമ നടനും സംവിധായകനും വരെയായി സാജിദ് മാറുകയും ചെയ്തു.
'എന്റെ ലോകം ലോകോത്തരമാക്കിയത് നിങ്ങളെ സ്‌ക്രീനില്‍ കണ്ട കാഴ്ചകളുടെ തുടര്‍കഥകളാണ് ആ കഥകള്‍ തന്നെയാണ് ഇന്നലെയും ഇന്നും നാളെ അങ്ങോട്ടും ഉള്ള എന്റെ സിനിമ സ്വപ്നങ്ങള്‍.
ആ സ്വപ്നങ്ങളുടെ എല്ലാം ചെങ്കോലും കിരീടവും വെച്ച രാജാവിന്റെ മകന് ഒരായിരം ജന്മദിനാംശങ്ങള്‍.',-സാജിദ് യാഹിയ കുറിച്ചു.
ഉണ്ണി, കൃഷ്ണന്‍ എന്നീ രണ്ട് ആണ്‍കുട്ടികളുടെ സ്‌നേഹത്തിന്റെയും സൗഹൃദത്തെയും കഥപറയുന്ന പല്ലൊട്ടി 90's കിഡ്സ് എന്ന ചിത്രത്തിലാണ് സാജിദ് യാഹിയ ഒടുവില്‍ പ്രവര്‍ത്തിച്ചത്. ശേഷം വിജയ് ബാബു നിര്‍മ്മിക്കുന്ന 'പ്രൊഡക്ഷന്‍ നമ്പര്‍-20' തിരക്കഥ എഴുതി സംവിധാനവും ചെയ്തു.സ്വന്തം വാസസ്ഥലത്തില്‍ നിന്നും മാറ്റി പാര്‍പ്പിക്കേണ്ടി വന്ന കാട്ടാനയുടെ കഥയുമായി സംവിധായകന്‍ സാജിദ് യാഹിയ എത്തുകയാണ്.
അരികൊമ്പന്‍ സിനിമയുടെ ഓരോ വിശേഷങ്ങള്‍ അറിയുവാനും ആരാധകര്‍ കാത്തിരിക്കുകയാണ്. ചിത്രത്തെ കുറിച്ചുള്ള വിവരങ്ങള്‍ ഒന്നും ഇപ്പോള്‍ പുറത്ത് വരുന്നില്ല.
