അഭിറാം മനോഹർ|
Last Modified വ്യാഴം, 10 ഓഗസ്റ്റ് 2023 (13:51 IST)
മലയാളത്തിലെ വമ്പന്‍ ഹിറ്റ് ചിത്രമായ ബാംഗ്ലൂര്‍ ഡെയ്‌സിന്റെ ഹിന്ദി റീമെയ്ക്ക് യാരിയാന്‍ 2 റിലീസിന് തയ്യാറെടുക്കുന്നു. മലയാളത്തില്‍ ദുല്‍ഖര്‍ സല്‍മാന്‍, ഫഹദ് ഫാസില്‍,നിവിന്‍ പോളി,നസ്രിയ,നിത്യാമേനോന്‍,പാര്‍വതി എന്നീ താരങ്ങള്‍ മുഖ്യവേഷത്തിലെത്തിയ ചിത്രത്തിന്റെ തമിഴ്,തെലുങ്ക് പതിപ്പുകള്‍ നേരത്തെ പുറത്തുവന്നിരുന്നു.
മലയാളത്തിലെ യുവനടിമാരായ അനശ്വര രാജനും പ്രിയ വാര്യരുമാണ് ചിത്രത്തില്‍ പ്രധാനവേഷങ്ങളിലെത്തുക ദിവ്യ ഖോസ്ലാ കുമാര്‍,മീസാന്‍ ജാഫ്രി,പേള്‍ വി പുരി, യാഷ് ദാസ് ഗുപ്ത,വാരിന ഹുസൈന്‍ എന്നിവരാണ് ചത്രത്തിലെ മറ്റ് താരങ്ങള്‍. 2014ലാണ് അഞ്ജലി മേനോന്റെ സംവിധാനത്തില്‍ ബാംഗ്ലൂര്‍ ഡേയ്‌സ് പുറത്തിറങ്ങിയത്. ഇത് പിന്നീട് 2016ല്‍ തമിഴ്,തെലുങ്ക് ഭാഷകളിലേക്ക് റീമെയ്ക്ക് ചെയ്യപ്പെട്ടിരുന്നു
