ടൊവിനോ തോമസ് നായകനാകുന്ന കള സിനിമയ്‌ക്ക് എ സർട്ടിഫിക്കറ്റ്. രോഹിത് വിഎസ് ഒരുക്കുന്ന ചിത്രത്തിലെ അമിതമായ വയലൻസ് രംഗങ്ങളാണ് എ സർട്ടിഫിക്കറ്റ് ലഭിക്കാൻ കാരണമായത്. ചിത്രം മാർച്ച് 25ന് റിലീസ് ചെയ്യും.

അതേസമയം തന്റെ കരിയറിലെ നിർണായകമായ ചിത്രമായി ടൊവിനോ തന്നെ വിശേഷിപ്പിച്ച ചിത്രമാണ് കള. സിനിമയോടുള്ള അടങ്ങാത്ത ഇഷ്ടമാണ് ഈ സിനിമ സാധ്യമാക്കിയത്. ഈ ടീമിനോടുള്ള ഇഷ്ടം കളയെ മറ്റൊരു തലത്തിലെത്തിക്കുമെന്നാണ് ടൊവിനോ ചിത്രത്തെ പറ്റി മുൻപ് പറഞ്ഞത്. കളയുടെ സംഘടന രംഗം ചിത്രീകരിക്കുന്നതിനിടെ താരത്തിന് പരിക്കേറ്റതും നേരത്തെ വാർത്തയായിരുന്നു.

അഡ്വഞ്ചേഴ്‌സ് ഓഫ് ഓമനക്കുട്ടൻ,ഇബിലീസ് എന്നീ ചിത്രങ്ങൾ സംവിധാനം ചെയ്‌ത രോഹിത്താണ് ചിത്രത്തിന്റെ സംവിധാനം.