'ലിയോ' ടിക്കറ്റ് എടുക്കുന്നില്ലേ ? പ്രീ ബുക്കിംഗ് ആരംഭിക്കുന്നത് ഈ ദിവസം !
കെ ആര് അനൂപ്|
Last Modified ബുധന്‍, 4 ഒക്ടോബര് 2023 (11:33 IST)
വിജയ് സ്വപ്നം കാണുന്നത് കരിയറിലെ വലിയ വിജയം തന്നെയാണ്.'ലിയോ'യിലൂടെ ആരാധകരും അത് പ്രതീക്ഷിക്കുന്നു. ലോകേഷ് കനകരാജ് വിജയനായി എന്തൊക്കെയാണ് ചെയ്തു വച്ചിരിക്കുന്നത് അറിയുവാനായി ഓരോരുത്തരും കാത്തിരിക്കുകയാണ്.അനിരുദ്ധ് രവിചന്ദര്‍ ഒരുക്കിയ ഗാനങ്ങള്‍ ഹിറ്റ് ലിസ്റ്റില്‍ ഇടം നേടി കഴിഞ്ഞു. സിനിമയുടെ വിദേശത്തെ പ്രീ ബുക്കിംഗ് ഇതിനോടൊപ്പം തന്നെ ആരംഭിച്ചു.യുകെയിലും യുഎസ്എയിലും നല്ല പ്രതികരണമാണ് ലഭിക്കുന്നത്.
ഇപ്പോഴിതാ ഇന്ത്യയിലെ പ്രീബുക്കിംഗിനെ കുറിച്ചുള്ള അപ്‌ഡേറ്റ് ആണ് വന്നിരിക്കുന്നത്. ഒക്ടോബര് 19ന് റിലീസിന് എത്തുന്ന സിനിമയുടെ ടിക്കറ്റ് വില്‍പ്പന ഒക്ടോബര് 14 മുതല്‍ ആരംഭിക്കും. ആരാധകരെ പ്രതീക്ഷയുടെ കാത്തിരിക്കുന്ന സിനിമയായതിനാല്‍ പ്രീ ബുക്കിംഗ് തന്നെ വലിയ ഹിറ്റ് ആകും എന്നാണ് പ്രതീക്ഷിക്കുന്നത്.
'ലിയോ'യുടെ ട്രെയിലര്‍ ഒക്ടോബര് 5 ന് എത്തും.ഔട്ട് ആന്‍ഡ് ഔട്ട് ഗ്യാങ്സ്റ്റര്‍ ആക്ഷന്‍ ത്രില്ലര്‍ ചിത്രമാണ് ഇതെന്നാണ് വിവരം.സെവന്‍ സ്‌ക്രീന്‍ സ്റ്റുഡിയോ, ദി റൂട്ട് എന്നിവയുടെ ബാനറുകളില്‍ ലളിത് കുമാറും ജഗദീഷ് പളനിസാമിയും ചേര്‍ന്നാണ് വിജയ് ചിത്രം നിര്‍മ്മിക്കുന്നത്.
