ബോളിവുഡ് സംഗീത സംവിധായകൻ വാജിദ് ഖാൻ (42) അന്തരിച്ചു.വൃ​ക്ക രോ​ഗ​ത്തെ​ത്തു​ട​ർ​ന്ന് മും​ബൈ​യി​ലെ ആ​ശു​പ​ത്രി​യി​ൽ ചി​കി​ത്സ​യി​ലാ​യി​രു​ന്നു അ​ദ്ദേ​ഹം. കുറച്ചുദിവസങ്ങൾക്ക് മുൻപ് ഇദ്ദേഹത്തിന് വൃക്കമാറ്റി വയ്ക്കല്‍ ശസ്ത്രക്രിയ നടത്തിയിരുന്നെങ്കിലും നില വഷളാവുകയായിരുന്നു. മാറ്റിവെച്ച വൃക്കയിൽ അണുബാധ വന്നതാണ് ആരോഗ്യനില പെട്ടെന്ന് തകരാറിലാക്കിയത്.കഴിഞ്ഞ നാലുദിവസമായി വെന്‍റിലേറ്ററിന്‍റെ സഹായത്തോടെയാണ് വാജിദ് ജീവന്‍ നിലനിര്‍ത്തിയിരുന്നത്.

സഹോദരൻ സാജിദുമായി ചേർന്ന് വാ​ണ്ട​ഡ്, ഏ​ക്താ, ടൈ​ഗ​ർ, ദ​ബാം​ഗ് തു​ട​ങ്ങിയ ചിത്രങ്ങളിൽ വാജിദ് സംഗീതം നിർവഹിച്ചിട്ടുണ്ട്.1998ലെ പ്യാര്‍ കീയാതോ ഡര്‍നാ ഹെയിലാണ് വാജിദ് ആദ്യമായി രംഗത്ത് എത്തുന്നത്. സല്‍മാന്‍ ഖാന്‍ ചിത്രങ്ങളിലൂടെയാണ് പിന്നീട് ഈ കൂട്ടുക്കെട്ട് പ്രശസ്‌തമായത്.പിന്നണിഗായകൻ കൂടിയായ വാജിദ് ഫെവികോള്‍ സെ, ചീന്‍താ താ ചീന്‍താ ചിൻ‌താ തുടങ്ങിയ സൂപ്പർഹിറ്റ് ഗാനങ്ങളും പാടിയിട്ടുണ്ട്.