മഹേഷ് നാരായണന്റെ മമ്മൂട്ടി ചിത്രത്തില്‍ അതിഥി വേഷത്തില്‍ മോഹന്‍ലാല്‍ എത്തുന്നു. ആദ്യമായാണ് മഹേഷ് നാരായണന്‍ സംവിധാനം ചെയ്യുന്ന ചിത്രത്തില്‍ മമ്മൂട്ടിയും മോഹന്‍ലാലും ഒന്നിക്കുന്നത്. കൂടാതെ ചിത്രത്തില്‍ ഫഹദ് ഫാസിലും കുഞ്ചാക്കോ ബോബനും പ്രധാന വേഷങ്ങളില്‍ എത്തുന്നുണ്ട്. ബിഗ് ബജറ്റില്‍ ഒരുങ്ങുന്ന ചിത്രം ആന്റോ ജോസഫ് ഫിലിം കമ്പനിയുടെ ബാനറിലാണ് നിര്‍മ്മിക്കുന്നത്.

ഡല്‍ഹി, ശ്രീലങ്ക, ലണ്ടന്‍ എന്നിവിടങ്ങളിലാണ് ചിത്രീകരണം നടക്കുക. ഡിസംബറില്‍ ചിത്രീകരണം ആരംഭിക്കും. 16 വര്‍ഷത്തെ ഇടവേളക്കുശേഷമാണ് മമ്മൂട്ടിയും മോഹന്‍ലാലും ഒരുമിക്കുന്നത്. സുരേഷ് ഗോപിക്കായി നിശ്ചയിച്ചിരുന്ന വേഷമാണ് മോഹന്‍ലാല്‍ അവതരിപ്പിക്കുന്നത്.