കൊവിഡ് 19ന്റെ ഭീതിയെ തുടർന്ന് രാജ്യം ലോക്ക് ഡൗൺ ആയതോടെ തൊഴിൽ നഷ്ടമായ തമിഴ് സിനിമാ മേഖലയിലെ ദിവസ വേതനക്കാർക്കായ് 20 ലക്ഷം നൽകി ലേഡി സൂപ്പർസ്റ്റാർ നയൻതാര. ഈ തുക ജീവനക്കാര്‍ക്കായി ഇവര്‍ ഫിലിം എംപ്ലോയീസ് ഫെഡറേഷന്‍ ഓഫ് സൗത്ത് ഇന്ത്യ(ഫെഫ്‌സി)യ്ക്ക് കൈമാറി.

നടന്മാർ ധനസഹായം നൽകിയപ്പോഴൊക്കെ നടിമാർ ഇതിനു ഭാഗമാകാതെ മാറി നിൽക്കുകയായിരുന്നു. നിലവിൽ ഐശ്വര്യ രാജേഷ്, നയൻതാര എന്നിവരാണ് ഫെഫ്സിക്ക് സാമ്പത്തിക സഹായം കൈമാറിയ നായികമാർ. ഒരു ലക്ഷം രൂപയാണ് ഐശ്വര്യ നൽകിയത്. സൂര്യ, കാർത്തി, വിജയ് സേതുപതി, രജനികാന്ത്, ശിവകാർത്തികേയൻ തുടങ്ങി നിരവധി താരങ്ങൾ ദിവസവേതനക്കാർക്ക് സഹായവുമായി എത്തിയിരുന്നു.