സജിത്ത്|
Last Updated:
ചൊവ്വ, 11 ഒക്‌ടോബര്‍ 2016 (15:01 IST)
ലാല്‍ ജോസിന്റെ പുതിയ ചിത്രം പ്രഖ്യാപിച്ചു. ഉണ്ണി ആര്‍ രചന നിര്‍വഹിക്കുന്ന 'ഒരു ഭയങ്കര കാമുകന്‍' എന്ന ചിത്രത്തില്‍ ദുല്‍ഖര്‍ സല്‍മാന്‍ നായകന്‍. ലാല്‍ ജോസിന്റെ വിതരണ കമ്പനിയായ എല്‍ജെ ഫിലിംസ് തന്നെയാണ് സിനിമ വിതരണത്തിനെത്തിക്കുന്നത്. തന്റെ ഫേസ്‌ബുക്ക് പോസ്റ്റിലൂടെയാണ് ലാല്‍ജോസ് ഇക്കാര്യം അറിയിച്ചത്.
മുല്ല, പുളളിപ്പുലിയും ആട്ടിന്‍കുട്ടിയും, ചാര്‍ലി എന്നീ സിനിമകളുടെ നിര്‍മ്മാതാവായ ഷെബിന്‍ ബക്കര്‍ ഫിലിംസാണ് സിനിമ നിര്‍മ്മിക്കുന്നത്. വിക്രമാദിത്യന് ശേഷം ദുല്‍ഖര്‍ സല്‍മാനും ലാല്‍ ജോസും ഒന്നിക്കുന്ന ഒരു ഭയങ്കര കാമുകന്‍ അടുത്ത വര്‍ഷം ചിത്രീകരണം തുടങ്ങും. നീന എന്ന ചിത്രത്തിന് ശേഷം ലാല്‍ ജോസ് ഒരുക്കുന്ന ചിത്രമാണ് ഒരു ഭയങ്കര കാമുകന്‍.
