അടുത്തിടെയാണ് ചിമ്പുവിനെ നായകനാക്കി കമൽ ഹാസൻ തൻ്റെ ഏറ്റവും പുതിയ ചിത്രം പ്രഖ്യാപിച്ചത്. ചിത്രത്തിൻ്റെ ടൈറ്റിൽ പ്രഖ്യാപിച്ചില്ലെങ്കിലും ചിമ്പുവിൻ്റെ 48മത് ചിത്രം കമൽ നിർമിക്കുമെന്ന പ്രഖ്യാപനമാണ് പുറത്ത് വന്നത്. ഇതോടെ ആവേശത്തിലായിരിക്കുകയാണ് ആരാധകർ. കണ്ണും കണ്ണും കൊള്ളൈയടിത്താൽ എന്ന ഹിറ്റ് ചിത്രത്തിന് ശേഷം ദേസിംഗ് പെരിയസ്വാമി ഒരുക്കുന്ന ചിത്രമെന്നതും ചിത്രത്തിലുള്ള പ്രതീക്ഷയുയർത്തുന്നു.

ഇപ്പോഴിതാ ഈ ചിത്രത്തിൽ കമൽ ഹാസനും ഒരു സുപ്രധാന കഥാപാത്രമായെത്തും എന്ന വിവരമാണ് പുറത്തുവരുന്നത്. വിക്രം എന്ന സിനിമയിൽ സൂര്യ ചെയ്തത് പോലെ കാമിയോ ആയാകും കമൽ എത്തുക എന്നാണ് സൂചന.ചിത്രത്തിൽ ചിമ്പുവിൻ്റെ വില്ലനായാകുമോ കമൽ എത്തുക എന്ന ചർച്ച ഇതോടെ തമിഴകത്ത് ചൂട് പിടിച്ചിരിക്കുകയാണ്.