കമല്‍ഹാസനെ നായകനാക്കി മണിരത്‌നം ഒരുക്കുന്ന തഗ് ലൈഫ് എന്ന ചിത്രത്തില്‍ ജോജു ജോര്‍ജും ഭാഗമാകുന്നു.നേരത്തെ ദുല്‍ഖര്‍ സല്‍മാന്‍ ചിത്രത്തിന്റെ ഭാഗമാകുന്ന കാര്യം നിര്‍മാതാക്കള്‍ ഔദ്യോഗികമായി സ്ഥിരീകരിച്ചിരുന്നു. ഇപ്പോഴിതാ മറ്റൊരു മലയാളി കൂടി സിനിമയുടെ ഭാഗമാവുകയാണ്. സിനിമയില്‍ പ്രധാനപ്പെട്ട ഒരു വേഷത്തെ തന്നെയാകും ജോജു അവതരിപ്പിക്കുക.

നായകന്‍ എന്ന ക്ലാസിക് സിനിമയ്ക്ക് ശേഷം മൂന്നരപതിറ്റാണ്ട് കാലത്തെ കാത്തിരിപ്പിനൊടുവിലാണ് കമല്‍ഹാസനെ നായകനാക്കി മണിരത്‌നം സിനിമ ചെയ്യുന്നത്. കമല്‍ഹാസനൊപ്പം ജയം രവി,ഗൗതം കാര്‍ത്തിക്,,തൃഷ തുടങ്ങി വമ്പന്‍ താരനിര തന്നെ സിനിമയിലുണ്ട്. എ ആര്‍ റഹ്മാനാണ് സിനിമയുടെ സംഗീതം നല്‍കുന്നത്. രവി കെ ചന്ദ്രന്‍ ഛായാഗ്രഹണം നിര്‍വഹിക്കും. ആക്ഷന്‍ ചിത്രമായ തഗ് ലൈഫില്‍ അന്‍പറിവ് മാസ്റ്റര്‍മാരാണ് സ്റ്റണ്ട് കൊറിയോഗ്രഫി ചെയ്യുന്നത്.