സംവിധായകൻ ഒമർ ലുലുവിന്റെ ഒടുവിൽ പുറത്തിറങ്ങിയ ചിത്രമാണ് നല്ല സമയം. 16 ദിവസം കൊണ്ട് ഒരു കോടി ബജറ്റിൽ നിർമ്മിച്ച ചിത്രം ഇനി ഒ.ടിടിയിൽ റിലീസിനായി കാത്തിരിക്കുകയാണ്. ധമാക്ക എന്ന ചിത്രത്തിൻറെ ലൊക്കേഷനിൽ വച്ച് ഇന്നസെന്റിനെ പരിചയപ്പെടുവാനും അദ്ദേഹത്തിനും സമയം ചെലവഴിക്കാനും സംവിധായകന് സാധിച്ചു. അന്ന് തന്നോട് ഇന്നസെൻറ് പറഞ്ഞ വാക്കുകൾ ഓർക്കുകയാണ് ഒമർ.

'ധമാക്ക സിനിമയുടെ ലൊക്ഷേൻ വെച്ചാണ് ഞാൻ ഇന്നസെന്റ് ചേട്ടനെ പരിചയപ്പെടുന്നത് അന്ന് ചേട്ടൻ പറഞ്ഞ് ഇനി എത്ര നാൾ ഞാൻ ഉണ്ടാവും എന്ന് ഒന്നും അറിയില്ല.ഈ പൊളിറ്റിക്കൽ കറക്ക്ടനസ് മുതലായ മാങ്ങാ തൊലിയൊക്കെ വരുന്നതിനുമുൻപ് കുറേ നല്ല സിനിമകൾ ചെയ്യാൻ പറ്റിയത് എന്റെ ഭാഗ്യം.ഇപ്പോ എന്തെങ്കിലും പറയാൻ തന്നെ എനിക്ക് പേടിയാ, പേടി തോന്നിയാ തന്നെ നമ്മൾ ചെയ്യുന്നത് ഒന്നും ശരിയാവില്ല.'-ഒമർ ലുലു കുറിച്ചു.