തമിഴ് സിനിമാപ്രേക്ഷകര്‍ ആകാംക്ഷയോടെ കാത്തിരിക്കുന്ന ശങ്കര്‍- കമല്‍ഹാസന്‍ സിനിമയായ ഇന്ത്യന്‍2 വിന്റെ റിലീസിന് ഇനി 2 ദിവസം മാത്രം ബാക്കി. 1996ല്‍ ഇന്ത്യയാകെ തരംഗം തീര്‍ത്ത ഇന്ത്യന്‍ എന്ന സിനിമയുടെ രണ്ടാം ഭാഗമായിട്ടാണ് സിനിമ ഇറങ്ങുന്നതെങ്കിലും സിനിമയുടെ ടീസറിനും ട്രെയ്ലറിനും പ്രേക്ഷകരെ കാര്യമായി സ്വാധീനിക്കാനായിരുന്നില്ല. ട്രെയ്ലറിലെ കമല്‍ഹാസന്റെ മെയ്ക്കപ്പിനെ പറ്റിയും പ്രായത്തെ പറ്റിയുമെല്ലാം ചര്‍ച്ചകള്‍ സജീവമായി നില്‍ക്കവെയാണ് സിനിമ പുറത്തിറങ്ങുന്നത്.

റിലീസിന് മുന്‍പ് അഡ്വാന്‍സ് ബുക്കിങ്ങിലൂടെ മാത്രം സിനിമ ഇതിനകം തമിഴ്നാട്ടില്‍ നിന്നും 2 കോടി നേടികഴിഞ്ഞതായാണ് റിപ്പോര്‍ട്ട്. സിനിമയുടെ തിയേറ്റര്‍ അവകാശം വമ്പന്‍ തുകയ്ക്കാണ് വിറ്റുപോയിരിക്കുന്നത് എന്നാണ് റിപ്പോര്‍ട്ട്. പാന്‍ ഇന്ത്യന്‍ സിനിമയായി റിലീസ് ചെയ്യുന്ന ഇന്ത്യന്‍ ടു തെലുങ്ക്, ഹിന്ദി ഭാഷകളീലും റിലീസ് ചെയ്യും. ഇന്ത്യന്‍ എന്ന ഹിറ്റ് സിനിമയ്ക്ക് ശേഷം കമല്‍ഹാസനും ശങ്കറും ഒരുമിക്കുന്നു എന്നതിനാല്‍ വലിയ വിജയം തന്നെയാണ് സിനിമയ്ക്ക് പ്രതീക്ഷിക്കുന്നത്. കമല്‍ഹാസന് പുറമെ സിദ്ധാര്‍ഥ്,എസ് ജെ സൂര്യ,വിവേക്,ജയപ്രകാശ്,സമുദ്രക്കനി,പ്രിയ ഭവാനി ശങ്കര്‍,രാഹുല്‍ പ്രീത് സിംഗ്,ബോബി സിംഹ തുടങ്ങി വലിയ താരനിര തന്നെ സിനിമയിലുണ്ട്.