അഭിറാം മനോഹർ|
Last Modified ചൊവ്വ, 29 ഒക്‌ടോബര്‍ 2024 (17:10 IST)
ഷറഫുദ്ദീന്‍, ഐശ്വര്യലക്ഷ്മി എന്നിവര്‍ കേന്ദ്രകഥാപാത്രങ്ങളായി എത്തുന്ന ഹലോ മമ്മി നവംബര്‍ 21ന് തിയേറ്ററുകളില്‍.ഹാങ്ങ് ഓവര്‍ ഫിലിംസും എ ആന്‍ഡ് എച്ച് എസ് പ്രൊഡക്ഷനും ചേര്‍ന്ന് നിര്‍മ്മിക്കുന്ന സിനിമ ഒരു ഫാന്റസി കോമഡി ജോണറില്‍ വരുന്ന സിനിമയാകും. നവാഗതനായ വൈശാഖ് എലന്‍സാണ് സംവിധാനം. കേരളത്തില്‍ ഡ്രീം ബിഗ് പിക്‌ചേഴ്‌സാണ് സിനിമ വിതരണത്തിനെത്തിക്കുന്നത്.
സാന്‍ജോ ജോസഫാണ സിനിമയുടെ കഥയും തിരക്കഥയും ഒരുക്കിയിരിക്കുന്നത്. ദി ഫാമിലി മാന്‍, ദി റെയില്‍വേ മെന്‍ തുടങ്ങിയ വെബ് സീരീസുകളിലൂടെ ശ്രദ്ധേയനായ നടന്‍ സണ്ണി ഹിന്ദുജയും സിനിമയില്‍ ഒരു പ്രധാനകഥാപാത്രത്തെ അവതരിപ്പിക്കുന്നു. ജേക്‌സ് ബിജോയ് സംഗീതവും ചമന്‍ ചാക്കോ എഡിറ്റിംഗ് നിര്‍വഹിക്കുന്നു. അജു വര്‍ഗീസ്, ജഗദീഷ്,ജോണി ആന്റണി,ജോമോന്‍ ജ്യോതിര്‍,ബിന്ദു പണിക്കര്‍, അദ്രി ജോ,ഗംഗ മീര, ശ്രുതി സുരേഷ് എന്നിവരാണ് മറ്റ് പ്രധാന കഥാപാത്രങ്ങലെ അവതരിപ്പിക്കുന്നത്.
