കെ ആര്‍ അനൂപ്|
Last Modified ബുധന്‍, 12 ജൂണ്‍ 2024 (10:57 IST)
ഇത്തവണത്തെ ലോക്‌സഭ തെരഞ്ഞെടുപ്പ് ഫലം വന്നതോടെ സ്ഥാനാര്‍ത്ഥികളെക്കാള്‍ വാര്‍ത്തകളില്‍ നിറഞ്ഞത് നടി നിമിഷ സജയന്റെ പേരായിരുന്നു. നാലു വര്‍ഷങ്ങള്‍ക്കു മുമ്പ് നടി പറഞ്ഞ വാക്കുകളായിരുന്നു വീണ്ടും സോഷ്യല്‍ മീഡിയ കുത്തിപ്പൊക്കിയത്. തുടര്‍ന്ന് സോഷ്യല്‍ മീഡിയ അക്കൗണ്ടുകളുടെ കമന്റ് ബോക്‌സ് പൂട്ടിയ നടി നിരവധി ഫോട്ടോഷൂട്ട് ചിത്രങ്ങളും പങ്കുവെച്ചു. കളിയാക്കുന്നവര്‍ കളിയാക്കട്ടെ എന്റെ ജീവിതം ഞാന്‍ മനോഹരമാകും എന്ന നിലപാടാണ് നിമിഷ എടുത്തിരിക്കുന്നത്.
തകര്‍ന്നുപോകുമ്പോള്‍ ഉറക്കെ ചിരിക്കാന്‍ ആഗ്രഹിക്കുന്നവര്‍ക്ക് മുന്നില്‍ കൂളായി കാര്യങ്ങള്‍ കൈകാര്യം ചെയ്യുകയാണ് താരം. ഇപ്പോഴിതാ അത്തരക്കാര്‍ക്ക് ഒരു മറുപടി എന്നോണം ഒഴിവുകാലം സന്തോഷകരമായി ചിലവഴിക്കുന്നതിന്റെ ചിത്രങ്ങള്‍ നടി പങ്കുവെച്ചു.
വിഷ്ണു സന്തോഷ് ആണ് ചിത്രങ്ങള്‍ പകര്‍ത്തിയത്.
സോഷ്യല്‍ മീഡിയയുടെ ലോകത്തെ എന്ത് നടന്നാലും തനിക്ക് പ്രശ്‌നമില്ലെന്ന് മനസ്സോടെ നടി മൂന്നാറിലേക്ക് വണ്ടി കയറി. ഇവിടെയുള്ള ഒരു വെള്ളച്ചാട്ടത്തിന് നടുവില്‍ തണുപ്പില്‍ നീരാടുന്ന ചിത്രങ്ങളുമായാണ് പിന്നീട് നടി എത്തിയത്.
അതിരൂഷ കമന്റുകള്‍ ഇപ്പോഴും സോഷ്യല്‍ മീഡിയയില്‍ വരുന്നുണ്ട്. അതുകൊണ്ടുതന്നെ കമന്റ്‌റ് ബോക്‌സ് പരിമിതപ്പെടുത്തി. നിമിഷയുടെ വളരെ കുറച്ചുമാത്രം ഫോളോവേഴ്സിന് മാത്രമേ കമന്റ്‌റ് ചെയ്യാന്‍ കഴിയൂ.
