കെ ആര്‍ അനൂപ്|
Last Modified ചൊവ്വ, 14 മാര്‍ച്ച് 2023 (12:15 IST)
'ഉടല്‍' സംവിധായകന്‍ രതീഷ് രഘുനന്ദന്‍ സംവിധാനം ചെയ്യുന്ന ദിലീപിന്റെ 148-ാമത്തെ സിനിമയ്ക്ക് ജനുവരി അവസാനത്തോടെ ആയിരുന്നു തുടക്കമായത്. സിനിമയുടെ ആദ്യ ഷെഡ്യൂള്‍ പൂര്‍ത്തിയായി.
40ദിവസത്തെ ഷൂട്ട് കോട്ടയത്തും, കുട്ടിക്കാനത്തുമായി പൂര്‍ത്തിയായി. അടുത്ത ഷെഡ്യൂള്‍ കട്ടപ്പനയിലാണ് മാര്‍ച്ച് അവസാനത്തോടെ തുടങ്ങുക. 50 ദിവസത്തെ ഷൂട്ട് ഉണ്ടാകും. ഈ ഷെഡ്യൂളില്‍ വ്യത്യസ്തമായ ഒരു കാലഘട്ടത്തെയാണ് ചിത്രീകരിക്കേണ്ടത്.
നീത പിളള, പ്രണിത സുഭാഷ് എന്നിവര്‍ക്ക് പുറമേ,അജ്മല്‍ അമീര്‍, സിദ്ദിഖ്, മനോജ് കെ ജയന്‍, കോട്ടയം രമേഷ്, മേജര്‍ രവി,സന്തോഷ് കീഴാറ്റൂര്‍, തൊമ്മന്‍ മാങ്കുവ, രമ്യ പണിക്കര്‍, മുക്ത, ശിവകാമി എന്നിവരും തമിഴ് താരങ്ങളായ ജോണ്‍ വിജയ്, സംമ്പത് റാം എന്നിവര്‍ ആദ്യ ഷെഡ്യൂളില്‍ പങ്കെടുത്തു.
ചിത്രത്തിന്റെ ടൈറ്റില്‍ പ്രഖ്യാപനം ഉടന്‍ ഉണ്ടാകും.
