ഷാറൂഖ് ഖാന്‍ നായകനായെത്തുന്ന ജവാന്‍ സിനിമ നാളെ റിലീസാകാനിരിക്കുമ്പോള്‍ ചിത്രം ബഹിഷ്‌കരിക്കണമെന്ന് ആവശ്യപ്പെട്ട് ക്യാമ്പയിന്‍. തമിഴ് സംവിധായകനായ അറ്റ്‌ലി സംവിധാനം ചെയ്യുന്ന ചിത്രത്തില്‍ നയന്‍താരയാണ് നായികയായെത്തുന്നത്. തമിഴ് സൂപ്പര്‍ താരമായ വിജയ് സേതുപതിയും ചിത്രത്തില്‍ ഒരു പ്രധാനവേഷത്തിലെത്തുന്നുണ്ട്. ചിത്രം വിതരണം ചെയ്യുന്നത് തമിഴ്‌നാട് മുഖ്യമന്ത്രി എം കെ സ്റ്റാലിന്റെ മകനായ നടനും മന്ത്രിയുമായ ഉദയനിധി സ്റ്റാലിനാണ്. ഇതാണ് സിനിമ ബഹിഷ്‌കരിക്കാനുള്ള ആഹ്വാനത്തിന് കാരണമായിരിക്കുന്നത്.

ഷാറൂഖ് ഖാന്റെ പ്രൊഡക്ഷന്‍ കമ്പനിയായ റെഡ് ചില്ലീസാണ് ചിത്രം നിര്‍മിക്കുന്നത്. സിനിമയുടെ വിതരണം ഏറ്റെടുത്തിരിക്കുന്നത് ഉദയനിധി സ്റ്റാലിന്റെ കമ്പനിയായ റെഡ് ജൈന്റ് മൂവീസും. എന്നാല്‍ കഴിഞ്ഞ ദിവസം ഉദയനിധി സ്റ്റാലിന്‍ സനാതന ധര്‍മം മലേറിയയും ഡെങ്കിയും പോലെ തുടച്ചുനീക്കേണ്ട ഒന്നാണെന്ന് പരാമര്‍ശം നടത്തിയിരുന്നു. ഇതിന് പിന്നാലെയാണ് ചിത്രത്തിനെതിരെ ബഹിഷ്‌കരണാഹ്വാനം വന്നിരിക്കുന്നത്. പത്താന്‍ എന്ന