ബോളി‌വുഡ് സൂപ്പർതാരം അമിതാഭ് ബച്ചനെ നായകനാക്കി സിനിമ സംവിധാനം ചെയ്യാനൊരുങ്ങി അജയ് ദേവ്ഗൺ. ഇതാദ്യമായാണ് അജയ് ബിഗ് ബിയുടെ സംവിധായക റോളിൽ എത്തുന്നത്. മേയ് ഡേ എന്ന് പേരിട്ടിരിക്കുന്ന ചിത്രത്തിൽ അജയ് ദേവ്‌ഗണും ഒരു പ്രധാന കഥാപാത്രത്തെ അഭിനയിക്കുന്നുണ്ട്.

ചിത്രത്തിൽ ഒരു പൈലറ്റിന്റെ റോളിലാണ് അജയ് ദേവ്‌ഗൺ എത്തുന്നത്. എന്നാൽ അമിതാഭ് ബച്ചന്റെ കഥാപാത്രത്തെ പറ്റി സൂചനകളൊന്നും പുറത്തുവന്നിട്ടില്ല. ചിത്രത്തിന്റെ പ്രീ പ്രൊഡക്ഷൻ വർക്കുകൾ ആരംഭിച്ചതായാണ് റിപ്പോർട്ടുകൾ. സിനിമയിലെ മറ്റ് കഥാപാത്രങ്ങൾ ആരെല്ലാമാണെന്ന് തീരുമാനിച്ചിട്ടില്ല. ചിത്രത്തിന്റെ നിർമാതാവും അജയ് ദേവ്‌ഗണാണ്.