മറ്റ് താരങ്ങൾ വളരെ ഗ്ലാമറസായി വസ്‌ത്രങ്ങൾ ധരിക്കുമ്പോൾ എല്ലായ്‌പോഴും സാരിയിൽ സുന്ദരിയായി ശ്രദ്ധ നേടുന്ന താരമാണ് ബോളിവുഡ് താരം വിദ്യാ ബാലൻ, സാരിയെ ഏറേ ഇഷ്ടപ്പെടുന്ന വിദ്യാ ബാലൻ അവാർഡ് ചടങ്ങുകളിലടക്കം സാരിയിലാണ് അധികവും എത്താറുള്ളത്.

സാരിയോട് എന്നും പ്രത്യേക ഇഷ്ടം കാത്തുസൂക്ഷിക്കുന്ന വിദ്യാ ബാലന്റെ പുതിയ സാരി ചിത്രങ്ങളാണ് സോഷ്യൽ മീഡിയയിൽ വൈറലായിരിക്കുന്നത്. ചുവപ്പിൽ സിൽവർ വർക്കുള്ള സാരിയുമായാണ് താരം ഇത്തവണ എത്തിയിരിക്കുന്നത്. ഡിസൈനർ ഗൗരാംഗ് ഷാ ആണ് സാരി ഒരുക്കിയിരിക്കുന്നത്. ചുവപ്പ് ലിസ്റ്റിക്കും ക്ലാസി ലുക്കുമായി വിദ്യാബാലനും എത്തിയതോടെ പുതിയ ചിത്രങ്ങളെ ഏറ്റെടുത്തിരിക്കുകയാണ് ആരാധകർ.