നടി മഞ്ജുപിള്ളയും ഛായാഗ്രാഹകനായ സുജിത് വാസുദേവും തമ്മിലുള്ള വിവാഹബന്ധം വേര്‍പിരിഞ്ഞു. ഒരു യൂട്യൂബ് ചാനലിന് നല്‍കിയ അഭിമുഖത്തില്‍ സുജിത് തന്നെയാണ് ഇക്കാര്യം വ്യക്തമാക്കിയത്. 2020 മുതല്‍ മഞ്ജുവും സുജിത്തും അകന്ന് കഴിയുകയാണെന്നും ഡിവോഴ്‌സ് നടപടികള്‍ പൂര്‍ത്തിയായതായും സുജിത് പറയുന്നു. അതേസമയം മഞ്ജു ഇപ്പോഴും തന്റെ വളരെ അടുത്ത സുഹൃത്താണെന്നും സുജിത് വ്യക്തമാക്കി.

2020 മുതല്‍ ഞങ്ങള്‍ പരസ്പരം വേര്‍പിരിഞ്ഞാണ് താമസിക്കുന്നത്. കഴിഞ്ഞ മാസമാണ് ഡിവോഴ്‌സ് നടപടികള്‍ പൂര്‍ത്തിയായത്. മഞ്ജുവിനെ സുഹൃത്ത് എന്ന് പറയാനാണ് താത്പര്യം. ഞങ്ങള്‍ തമ്മിലുള്ള സൗഹൃദത്തില്‍ ഇപ്പോഴും മാറ്റമില്ല. മഞ്ജുവിന്റെ കരിയര്‍ നല്ല രീതിയില്‍ പോവുകയാണ്. ഒരു സുഹൃത്തെന്ന രീതിയില്‍ അതിലുള്ള സന്തോഷം വളരെ വലുതാണ്. മഞ്ജുവിന്റെ കരിയറിന്റെ കാര്യങ്ങളെ പറ്റി ഞങ്ങള്‍ ഇപ്പോഴും ചര്‍ച്ച ചെയ്യാറുണ്ട്. സുജിത് പറഞ്ഞു.

2020ലായിരുന്നു നടി മഞ്ജുപിള്ളയുടെയും ഛായാഗ്രാഹകനായ സുജിത് വാസുദേവന്റെയും വിവാഹം. ഇവര്‍ക്ക് ദയ എന്നൊരു മകള്‍ ഈ വിവാഹബന്ധത്തിലുണ്ട്. സുജിത്തും മഞ്ജുവും തമ്മില്‍ വേര്‍പിരിഞ്ഞതായി ഏറെ കാലമായി അഭ്യൂഹങ്ങളുണ്ടെങ്കിലും ഇതാദ്യമായാണ് ഇക്കാര്യത്തില്‍ പരസ്യപ്രതികരണം നടത്തുന്നത്.