Widgets Magazine Widgets Magazine

മലയാള സിനിമാ ചരിത്രം തിരുത്തിയെഴുതി ‘വില്ലന്‍’; റിലീസിന് മുന്‍പ് തന്നെ റെക്കോര്‍ഡ് !

ചൊവ്വ, 20 ജൂണ്‍ 2017 (10:32 IST)

Widgets Magazine
Mohanlal, Villain, B Unnikrishnan, Vishal, Manju Warrier, Hansika, മോഹന്‍ലാല്‍, വില്ലന്‍, ബി ഉണ്ണികൃഷ്ണന്‍, വിശാല്‍, മഞ്ജു വാര്യര്‍, ഹന്‍സിക

റിലീസിന് മുമ്പ് തന്നെ റെക്കോര്‍ഡ് നേട്ടവുമായി മോഹന്‍ലാല്‍ നായകനാകുന്ന ബി ഉണ്ണികൃഷ്ണന്‍ ചിത്രം 'വില്ലന്‍'. ഓഡിയോ റൈറ്റ്‌സ് വില്‍പനയിലാണ് ഈ ചിത്രം റെക്കോര്‍ഡ് തുക സ്വന്തമാക്കിയിരിക്കുന്നത്. ബോളിവുഡിലെ പ്രമുഖ മ്യൂസിക് ലേബലുകളിലൊന്നായ 'ജംഗ്ലീ മ്യൂസിക്കാ'ണ് ‘വില്ലന്റെ’ ഓഡിയോ അവകാശം സ്വന്തമാക്കിയത്. 50 ലക്ഷം രൂപയാണ് 'ജംഗ്ലീ മ്യൂസിക്' ഇതിനായി മുടക്കിയിരിക്കുന്നതെന്നാണ് റിപ്പോര്‍ട്ടുകള്‍. 
 
ഈ വിഭാഗത്തില്‍ ഒരു മലയാളസിനിമ നേടുന്ന ഏറ്റവും ഉയര്‍ന്ന തുകയാണിത്. സാധാരണ 10മുതല്‍ 15 ലക്ഷം രൂപയാണ് മ്യൂസിക് റൈറ്റ് വില്‍പനയില്‍ ഒരു മലയാളസിനിമ നേടുന്നത്. അതേസമയം സിനിമയുടെ ചിത്രീകരണം വാഗമണ്ണില്‍ ഇന്ന് പൂര്‍ത്തിയായി. അതേസമയം ജൂലൈ 21ന് ചിത്രം റിലീസ് ചെയ്യാനാണ് തീരുമാനിച്ചിരുന്നത്. എന്നാല്‍ ഈ സിനിമ ഓണം റിലീസായിരിക്കുമെന്നാണ് പുതിയ റിപ്പോര്‍ട്ടുകള്‍.
 
ചിത്രത്തിന്‍റെ പോസ്റ്റ് പ്രൊഡക്ഷന്‍ ജോലികള്‍ തകൃതിയായി നടന്നുവരികയാണ്. ധാരാളം വി എഫ് എക്സ് രംഗങ്ങളാണ് ഈ ആക്ഷന്‍ ത്രില്ലറിലുള്ളത്. മോഹന്‍ലാലിന്‍റെ കരിയറിലെ തന്നെ ഏറ്റവും സാങ്കേതികമേന്‍‌മയുള്ള ചിത്രങ്ങളില്‍ ഒന്നായിരിക്കും വില്ലന്‍. മഞ്ജു വാര്യര്‍, വിശാല്‍, ഹന്‍സിക തുടങ്ങിയ വമ്പന്‍ താരനിരയാണ് ചിത്രത്തില്‍ ഉള്ളത്.
 
ബി ഉണ്ണികൃഷ്ണന്‍ സംവിധാനം ചെയ്യുന്ന നാലാമത്തെ മോഹന്‍ലാല്‍ ചിത്രമാണ് വില്ലന്‍. മാടമ്പി, ഗ്രാന്‍‌ഡ്‌മാസ്റ്റര്‍, മിസ്റ്റര്‍ ഫ്രോഡ് എന്നിവയാണ് മറ്റ് മൂന്ന് ചിത്രങ്ങള്‍. മലയാളത്തില്‍ ഇതുവരെ ഉണ്ടായിട്ടില്ലാത്ത രീതിയിലുള്ള വൈഡ് റിലീസാണ് അണിയറ പ്രവര്‍ത്തകര്‍ ഈ സിനിമയ്ക്കായി ആലോചിക്കുന്നത്. ബാഹുബലി2, പുലിമുരുകന്‍ എന്നീ ചിത്രങ്ങളുടേതിനേക്കാള്‍ വലിയ റിലീസായിരിക്കും ഈ സിനിമയ്ക്ക് കേരളത്തില്‍ ഉണ്ടാവുക.
 
കേരളത്തിന് പുറത്തും വമ്പന്‍ റിലീസിനാണ് റോക്‍ലൈന്‍ വെങ്കിടേഷ് നിര്‍മ്മിക്കുന്ന ഈ സിനിമ തയ്യാറെടുക്കുന്നത്. വിശാലിന്‍റെയും ഹന്‍‌സികയുടെയും ശ്രീകാന്തിന്‍റെയും റാഷി ഖന്നയുടെയുമൊക്കെ സാന്നിധ്യം മറ്റ് സംസ്ഥാനങ്ങളിലെ മികച്ച വിപണനത്തിന് സഹായകമാകുമെന്നാണ് വിലയിരുത്തല്‍.
 
മാത്യു മാഞ്ഞൂരാന്‍ എന്ന റിട്ടയേര്‍ഡ് പൊലീസ് ഉദ്യോഗസ്ഥനായാണ് മോഹന്‍ലാല്‍ വില്ലനില്‍ അഭിനയിക്കുന്നത്. മനോജ് പരമഹംസ ഛായാഗ്രഹണം നിര്‍വഹിക്കുന്ന സിനിമയ്ക്ക് ആക്ഷന്‍ കോറിയോഗ്രാഫി പീറ്റര്‍ ഹെയ്ന്‍ ആണ്. 8കെ റെസല്യൂഷനില്‍ നിര്‍മ്മിക്കുന്ന ആദ്യ മലയാള ചിത്രം കൂടിയാണ് വില്ലന്‍. 



Widgets Magazine
Widgets Magazine
ഇതിനെക്കുറിച്ച് കൂടുതല്‍ വായിക്കുക :  

Widgets Magazine

സിനിമ

news

നടി അഞ്ജലി മുംബൈയില്‍ മരിച്ചനിലയില്‍

ബന്ധുക്കള്‍ തുടര്‍ച്ചയായി ഫോണ്‍ ചെയ്തിട്ടും ഫോണെടുക്കാതിരുന്നതിനെ തുടര്‍ന്ന് ...

news

ശബ്‌ദനിയന്ത്രണം, അത് മമ്മൂട്ടിയെ കണ്ടുപഠിക്കണം; സംവിധായകന്‍റെ നിര്‍ദ്ദേശം മോഹന്‍ലാലിനോട്!

വോയ്സ് മോഡുലേഷനില്‍ മലയാളത്തില്‍ മമ്മൂട്ടിയെ വെല്ലാന്‍ മറ്റൊരു നടനില്ല. സംഭാഷണത്തില്‍ ...

news

മേജര്‍ രവിക്ക് മമ്മൂട്ടിയുടെ ഡേറ്റ്; ഇതൊരു പട്ടാളക്കഥയല്ല!

മേജര്‍ രവി സംവിധാനം ചെയ്യുന്ന ചിത്രത്തില്‍ മമ്മൂട്ടി നായകനാകുന്നു. ചിത്രം 2018ല്‍ ...

news

മോഹന്‍ലാലിന്‍റെ ഓണച്ചിത്രം - വില്ലന്‍ !

ഈ വര്‍ഷം മോഹന്‍ലാലിന്‍റെ ഓണച്ചിത്രം ‘വെളിപാടിന്‍റെ പുസ്തകം’ അല്ല. അത് ‘വില്ലന്‍’ ആണ്. ബി ...

Widgets Magazine Widgets Magazine