മധ്യ കേരളത്തിലെ പ്രസിദ്ധമായ നാലു ക്ഷേത്രങ്ങളാണ് തൃപ്രയാര്‍, കൂടല്‍മാണിക്യം, മൂഴിക്കുളം, പായമ്മല്‍ എന്നിവ. നാലമ്പലം എന്ന് പേരുകേട്ട ഇവയില്‍ പ്രധാനം തൃപ്രയാര്‍ ക്ഷേത്രമാണ്.
തൃശൂര്‍ ജില്ലയിലെ നാട്ടിക പഞ്ചായത്തില്‍ തൃപ്രയാര്‍ പുഴയുടെ തീരത്താണ് ക്ഷേത്രം. ചേര രാജാക്കന്മാരുടെ സ്ഥാനപ്പേരായ തിരുപ്പറൈയന്‍ - ആര്‍ - ലോപിച്ചതാണ് തൃപ്രയാര്‍ എന്നാണ് ഐതീഹ്യം.
എറണാകുളം - ഗുരുവായൂര്‍ തീരദേശ പാതയില്‍ തെക്കുനിന്ന് കൊടുങ്ങല്ലൂര്‍ വഴിയാണ് തൃപ്രയാര്‍ എത്തുക.
ഒരിക്കല്‍ മുക്കുവര്‍ക്ക് ലഭിച്ച വിഗ്രഹങ്ങള്‍ വാകയില്‍ കൈമള്‍ വഴി ബ്രാഹ്മണര്‍ക്ക് സമ്മാനമായി ലഭിക്കുകയും അവര്‍ അതില്‍ ശ്രീരാമവിഗ്രഹം തൃപ്രയാറിലും ലക്ഷ്മണന്‍, ഭരതന്‍, ശത്രുഘ്നന്‍ എന്ന വിഗ്രഹങ്ങള്‍ മൂഴിക്കുളം, ഇരിങ്ങാലക്കുട, പായമ്മല്‍ എന്നിവിടങ്ങളിലും സ്ഥാപിക്കുകയും ചെയ്തുവെന്നാണ് ഐതീഹ്യം.
വ്യാഴാഴ്ചകള്‍, തിരുവോണ നക്ഷത്രം, പൗര്‍ണ്ണമി, അമാവാസി, ഏകാദശി, പൂരം പുറപ്പാട്, പ്രതിഷ്ടാദിനം എന്നിവയാണ് വിശേഷ ദിവസങ്ങള്‍. വൃശ്ഛികം ഒന്നു മുതല്‍ പന്ത്രണ്ട് വരെ നടക്കുന്ന കൂത്ത്, വെടി വഴിപാട് എന്നിവയാണ് പ്രധാന വഴിപാടുകള്‍.
|
അഭിപ്രായം,നിര്ദ്ദേശം
സുഹൃത്തിന് അയക്കൂ
പേജ് പ്രിന്‍റ്ചെയ്യൂ
