പുതുമുഖ സംവിധായകര്ക്ക് ഡേറ്റ് കൊടുക്കാന് പണ്ടൊന്നും സൂപ്പര് താരങ്ങള് തയ്യാറായിരുന്നില്ല. പിന്നെപ്പിന്നെ, ലാല്ജോസ്, അന്വര് റഷീദ്, ജോണി ആന്റണി തുടങ്ങി പുതുമുഖ സംവിധായകര് ഹിറ്റുകളുടെ പരമ്പര തീര്ത്തപ്പോള് സൂപ്പര് താരങ്ങളുടെ മനമിളകി. ഇപ്പോള് ഏത് പുതുമുഖ സംവിധായകനായാലും സൂപ്പര് താരങ്ങളുടെ ഡേറ്റ് റെഡിയാണ്. ഒറ്റ മിനിറ്റില് സിനിമ, ഒറ്റക്കാലന് ക്യാമറയില് എടുക്കുന്ന സിനിമ, മുറ്റത്ത് മാത്രം ചിത്രീകരിക്കുന്ന സിനിമ എന്നൊക്കെ സംവിധാനമോഹികള്ക്ക് പറഞ്ഞ് പെരുപ്പിക്കാന് കഴിഞ്ഞാല് പിന്നെ പറയാനുമില്ല. ‘എപ്പോള് തുടങ്ങാം പടം?’ എന്നായിരിക്കും സൂപ്പര് താരങ്ങളുടെ പ്രതികരണം.
പറഞ്ഞുവരുന്നത് പ്രശാന്ത് മാമ്പുള്ളി എന്ന പുതുമുഖ സംവിധായകന്റെ ബുദ്ധിയിലുദിച്ച ‘17 മണിക്കൂര് സമയം കൊണ്ടെടുത്ത റിയല് ടൈം’ സിനിമയെ പറ്റിയാണ്. 'വിശ്വനായകന്റെ പുതിയ അവതാരം' എന്നൊക്കെ പോസ്റ്ററില് കണ്ടിട്ടാണ് സിനിമ കണ്ടുകളഞ്ഞേക്കാം എന്ന് കരുതിയത്. രണ്ട് മണിക്കൂര് മാത്രമുള്ള ഈ പരീക്ഷണപ്പടം സത്യത്തില് ബോറടിയല്ലാതെ മറ്റൊന്നും സമ്മാനിക്കുന്നില്ല. സിനിമയുടെ സ്ക്രിപ്റ്റ് വായിച്ചുനോക്കാതെ ചാടിക്കേറി അഭിനയിക്കുന്ന മോഹന്ലാല